Juan 4:34 - Cofán: Chiga Tevaen'jen

³⁴ Tsa'ma Jesúsja inginga su: —Ñama moen'su in'jan'choma naniñangae tsoñe tsu ñama quiñaeña panma anqquia'caen.

Juan 4:34 Iomraidhean Croise

Salmos 40:8

Ña Chiga, que in'janqquia'caen tsoñe gi ñoa'me avujatssi. Ña injama'choni gi que atesian'choma an'bian tsa'caen tsoñe.

Mateo 26:39

Qquen supa ti'tsse jocca'tticcoe japa camba'jui'ccu andenga amppi ccuipa Chigama iñajan: —Ña Yaya, Chiga Quitsa, Que osha'ta va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.

Mateo 3:15

Tsa'ma Jesúsja Juanga su: —Cuintsu queja ñama fetiya'cho. Tsa'caen tsomba gi ingija pa'cco Chiga in'jan'chove ñotsse tson'faya. Tsa'caen susi Juanjan ti'tsse se'pimbe'yi Jesúsma feti.

Mateo 9:19

Qquen susi Jesús jangipa tisei'ccu ja. Jesúsma shondosundeccu'qque fae'ngae ja'fa.

Lucas 15:10

Tsa'cansi gi su, fae egae tsincon'su tise egae tsincon'choma chi'gapa antte'ninda Chiga sefacconi'su shondosundeccuja avujatssi'faya.

Lucas 19:10

Nane Sefaccone Ji'cho A'i'ta gi a'i qque'chondeccuma ccushaeñe ji.

Lucas 2:49

Tsa'ma Jesús tise'pama su: —¿Jongoesie qui ñame ttatta'je'fa? ¿In'jan'fambi ti qui ñajan ña Quitsa tsaoni can'jemba semaña'cho?

Juan 17:4

Ñanda gi va andeni can'jemba canjaen queja ti'tsse'tssia. Tayo gi nani que ñama mandasi sema'jen'choma.

Juan 19:28

Tsa'caen supa Jesúsja osha'choma tayo nani qquen atesuchopa qquen su, Chiga tevaen'jen suqquia'caen tsoñe: —Tsaqquie'su gi.

Juan 19:30

Jesúsja inzatssia vinoma cu'ipa su: —Pa'cco tsu naniñe. Tsa'caen supa tsovema puntssamba pa.

Juan 4:32

Tsa'ma Jesúsja su: —Ñanda gi an'bian aña'chove ma'caen que'i atesumbi'choama.

Juan 5:30

Tisuyi'ta gi tsoñe oshambi. Tsa'ma ñama mandaqquia'caen gi tansintsse afa'je. Nane tansintsse in'jamba gi tansintsse afa'je. Ña in'jan'chove in'jambipa ñama moen'su Chiga Quitsa in'jan'chove gi in'jan.

Juan 5:36

Tsa'ma Juan su'choma bove ñotsse canjaen'cho tsu jin. Ña Yaya ñama mandasi gi tsa'caen tson'jen. Tsa'caen tson'jensi tsu tsa tson'choja ñoa'me canjaen Chiga ñama manda'suve.

Juan 6:33

Chiga sefaccone afe'cho pan tsu a'i –Chiga sefaccone ande'cho. Tsaja poi a'ima qquendyaen'su.

Juan 6:38

Ñajan sefaccone jimbi gi tisu in'jan'chove tsoñe. Tsa'ma ñama moen'su in'jan'chove tsoñe gi ji.

Tson'fa'cho 20:35

Tsa'caen gi que'ima atesian semamba tsu mendeqquiama fuiteya'cho. In'jan'faja Na'su Jesús qquen su'choma: “Afe'su tsu isu'suma ti'tsse avujatsse afeya'cho.”

Hebreo'su 12:2

Nane Jesúsja ingima tsu canjaen ma'caen canse'faye. Tise can'jen'chove in'jamba gi ma'de'faya'cho. Nane tiseja ingima ccushaemba ingima atesian'su tsu. Tiseja in'jangae tsincon'sia'caen avuja'cconga pa. Tsa'ma ansangembe'yi tsa'caen pa ingima ccushaeñe. Jai'ngae ingi'ccu avujatssiya qquen in'jamba tsu tsa'caen vana. Vanamba papa Chiga sefacconi japa na'suve dapa Chiga tansinfani dyaipa manda'je.