Juan 4:23 - Cofán: Chiga Tevaen'jen

²³ Tsa'ma pan tsu napiji –nane ja'ño tsu napi– maqui a'ta Chigama ñoa'me in'jan'chondeccuja tansintsse tisu injama'chone Chiga Quitsama iñajan'faya. Tsa'caen tsu Chiga Quitsaja in'jan cuintsu Tise've in'jan'chondeccu Tisema iñajañe.

Juan 4:23 Iomraidhean Croise

Salmos 32:2

Avujatssi tsu tsa a'ija tise injama'choni afopoembe cansesi Na'su tise egae tsincon'choma agattombisi.

Salmos 51:6

Tsa'ma queta qui injama'cho tsosipie ñotsse in'jamba canse'chove ñombi'ye. Tsa'caen ñama'qque in'jaenjan cuintsu ña'qque atesuye.

Isaías 10:20

Tsequi a'ta tsa re'ricco majan toya Israelni canjen'su, nane Jacob aindeccu'su majan ccusha'chondeccuja, tise'pama patsu'suma ti'tsse iñajan'faya'bi fuite'suve. Tsa'ma Na'su, tsa Israel Ño'an Chigama tsu tise'pama fuite'suve iñajan'faya.

Isaías 29:13

Toya'caen Na'su Chigaja ñanga qquen su: “Va aindeccu aya'fai'ccu ñame in'jan qquen su'fa. Nane tise'pa su'choi'ccu ñanga ñotsse afa'fa. Tsa'ma tise'pa injama'choni ñama chi'ga'fa. A'i in'jamba afa'choma pañamba tsa'caen afa'fa ñama iñajañe. Nane in'jambe'yi injanga afa'choi'ccu afa'fa.

Juan 1:17

Moisésja Chiga manda'choma afapa conda. Tsa'ma Jesucristoma moemba Chigaja Tise ingima in'jamba ñotsse tson'choma tansintsse canjaen.

Juan 12:23

Jesúsja pañamba su: —Tayo tsu napi Sefaccone Ji'cho A'i ti'tsse'tssia've daya'cho.

Juan 16:2

Cca'ija Chigane atesian'jen'ttinga ca'nisa'ne que'ima se'pi'faya. Nane tayo tsu napiji, que'ima fi'tti'a'qque “Chigaja mandasi fi'tti” qquen tsu in'jan'faya.

Juan 16:32

Que canjan. Tayo tsu napiji, nane ja'ñoñiña tsu que'i cca'tti cca'tti attufaccoya'cho ñama tisuveyi catipa. Tsa'ma tisuyimbi gi Chiga ña Quitsa ñai'ccu can'jensi.

Juan 4:21

Jesúsja tisenga su: —Pushesu, ñama pañajan. Pan tsu napiji maqui a'ta a'ija ni va ccotta'cconga ni Jerusaléni ja'faya'bi tsu Chigama iñajañe.

Juan 5:25

Ñoa'me gi su: Tayo tsu napiji paya'chondeccu Chiga Dutssi'ye aya'fama paña'faya'cho. Nane ja'ño tsu paña'jen'fa. Majan paña'da tsu canse'faya.

Juan 5:28

Can'boembe can'faja. Nane tayo tsu napiji poiyi'cco pa'chondeccu tise aya'fama pañaña'cho.

Romanos 1:9

Ñajan pa'cco injama'choi'ccu Chigama shondo'supa gi Tise Dutssi'yene ñotsse condase'choma condase'je. Chigama iñajamba gi anttembe'yi que'ine iñajan'jen. Chigaja tsama pañamba ñoa'me in'jan.

Romanos 8:15

Que'ini can'jen'cho Chiga Qquendya'paja ega na'sia'caen panshaen mandambi cuintsu que'i ccase dyojo'cco canse'faye. Tsa'ma Chiga Qquendya'pa ingima in'jaensi gi Chiga dushundeccuve dapa Tisenga su'fa: “¡Ingi Yaya qui!”

Romanos 8:26

Toya'caen ingi quin'su mechosi Chiga Qquendya'paja ingima fuite'je. Nane ingija ma'caen jongoesuve Chigama iñajañe atesu'fambi. Injama'choni ñombi'yepa afaye oshambisi Chiga Qquendya'pa ingi injama'cho in'jan'choma atesupa ingi afaye oshambima'caen tansintsse Chigama iñajan.

Galacia'su 4:6

Tsa'caen da'fasi Chigaja Tise Dutssi'yembe Qquendya'pama'qque que'i injama'chonga moen. Tsa'caen moensi que'ini can'jemba que'ima in'jaen cuintsu Chigave in'jamba, “Ingi Yaya” qquen su'faye.

Efeso'su 6:18

Tsa'caen Chiga Qquendya'pa que'ima in'jaen'nijan ánttembe'yi Chigama iñajan'faja. Ñotsse in'jamba quia'me iñajan'faja. Ñoquimbimbe'yi ñotsse injan'jemba poi Cristove in'jan'chondeccune Chigama iñajan'faja.

Filipo'su 3:3

Injanga ttonoma chhiyitevaen'da gi Chiga dushundeccuve da'fambi. Tsa'ma injama'choi'ccu Cristo Jesúsve in'jamba gi ñoa'me Chiga dushundeccuve dapa avujatssi'fa. Chiga Qquendya'pa ingima in'jaensi gi Chigama iñajamba Tisene ñotsse afa'fa.

1 Pedro 2:9

Tsa'ma que'imajan Chiga in'jamba ttu'sesi qui Tisema afasundeccuve dapa Na'suma shondocan'fa. Que'ija egave mechoa aindeccu qui. Que'ija Chigambe a'i'fa qui Tise ñotsse tson'choma condaseye. Tiseja que'ima ttu'sepa sinttia'ye somboen Tise ñotssia a'tatssiani can'jen'faye.