Juan 3:26 - Cofán: Chiga Tevaen'jen

²⁶ Condaseccopa Juanga japa su'fa: —Atesian'su, Jordán na'en jonifani quei'ccu jacan'su, tsa Jesús, “Cristo” qquen que su'cho, tsa tsu jipa a'ima feti'je. Nane poiyi'cco tsu tisenga bo'fa.

Juan 3:26 Iomraidhean Croise

Mateo 23:7

Toya'caen canqque tsaiqui'ye jacan'fasi cca'indeccu tise'pama ñotsse in'jamba chigambian'faye in'jan'fa. Nane ñotsse in'jamba tise'pama “injama'pa atesian'su” qquen chigambiañe tsu in'jan'fa.

Mateo 23:8

Tsa'ma que'ija tsa'caen afaye'faya'bi qui. Tsa'caen tson'fajama a'i que'ima “injama'pa atesian'su” qquen afa'faye. Que'ija poiyi'cco faengasundeccu qui. Fae injama'pa atesian'suve qui an'bian'fa. Tsaja Cristo tsu.

Juan 1:15

Nane Juanjan tisene condasepa su: —Va tsu ña condase'cho a'i, ña qquen su'choja: Ñama omba'su a'i tsu ñama ti'tsse'tssia. Ñame meinte tiseja can'jen.

Juan 1:7

Juanjan condaseye ji chanjien'sune. Qquen tsu condaseye ji cuintsu poiyi'cco a'i tise su'choma pañamba chanjien'suve in'jan'faye.

Juan 1:9

Ñoa'me chanjien'su tsu va andeni jiña poi a'i injama'choma attiañe.

Juan 11:48

Ingi can antte'nijan poiyi'cco tsu tise've in'jan'faya. Tsonsi Romano nasundeccu mandasi tsu sundarondeccu jipa va Chiga ettima asitta cati'faya. Ingi aindeccuma'qque tsu sefoen'faya.

Juan 12:19

Tsonsi Fariseondeccuja tisupaporai'ccu qquen condasecco'fa: —Que canjan. ¿Ma'caen gi tson'faya? Nane poiyi'cco a'i tsu tisema shondocan'fa.

Juan 3:2

Cose Nicodemojan Jesúsni can'su jipa su: —Atesian'su, atesu'fa gi queja ñoa'me Chiga moen'cho atesian'su qui. Majañi'qque quia'caen canjaen'choma canjaeñe oshambi Chiga tisei'ccu can'jembian'da.

Juan 4:1

Jesúsja Juanma ti'tsse'o a'ima fetisi tsain'bitssi tisei'ccu fae'ngae jacan'fa. Nane Jesúsja tisu fetimbi. Tsa'ma ingi tisema shondosundeccu gi a'ima feti'fa. Fariseondeccu feti'chone pañasi Na'su Jesúsja tise'pa paña'choma in'jamba

Juan 4:31

Toya jiña'fa'ni ingija Jesúsma su'fa: —Atesian'su, anjan.

Juan 5:33

Que'ija a'ima manda Juanma iñajampañañe. Juan su'chota tsu ñoa'me su'cho.