Juan 3:11 - Cofán: Chiga Tevaen'jen

¹¹ Nane ñoa'me gi su, tisupa atesucho'choma gi afa'fa. Tisupa atte'choma gi condase'fa. Tsa'ma que'ija paña'fambi qui ingi condase'choma.

Juan 3:11 Iomraidhean Croise

Isaías 53:1

¿Majan tsu ingi condase'choma in'jan'faya? ¿Majanga tsu Na'suja tise oshacho'choma canjaen?

Isaías 55:4

Nane tisema gi ccutsian cuintsu poi ande'su aindeccunga canjaemba poi canqque'su aindeccuma nafattiañe.

Isaías 65:2

Ñajan a'ima in'jamba pa'cco a'ta tise'pama ttu'se'ni'qque pañambipa ñama iyicca'ye'fa. Tisupa in'jan'choveyi in'jamba injanga ccaningae jaja'fa.”

Mateo 11:27

Jesús Chigama iñajan nanimba aindeccunga su: —Tayo tsu ña Yaya osha'choma ñanga afe. Ni fae a'iyi'qque ñama atesu'fambisi Chiga Quitsayi tsu ñama atesu. Ñajan Tise Dutssi'ye. Toya'caen ni fae a'iyi'qque Chiga Quitsama atesu'fambisi ñañi gi Tisema atesu. Tiseja ña yaya tsu. Toya'caen ñajan Chiga Dutssi'yepa gi majama in'jamba ña condase'nijan tsendeccu'qque Chiga Quitsama atesu'fa.

Mateo 23:37

¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.

Lucas 10:22

Tsa'caen Chigama iñajamba Jesúsja su: —Tayo tsu ña yayaja osha'choma ñanga afe. Cca'i ñama atesu'fambisi Chiga Quitsayi tsu ñama atesu'cho. Ñajan Tise Dutssi'ye. Toya'caen cca'ija Chiga Quitsama atesu'fambisi ñañi gi Tisema atesu'cho. Tiseja ña yaya tsu. Toya'caen ñajan Chiga Dutssi'yepa gi majama in'jan'da tsanga condase cuintsu tsendeccu'qque Chiga Quitsama atesu'faye.

Juan 1:11

Nane a'ive dapa jisi tisupanaccuja tisema chi'ga'fa.

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Juan 12:49

Nane Tisutsseyi in'jamba afambi gi. Tsa'ma Chiga Quitsa ñama moen'su tsu manda ma'caen afaya'chove, ma'caen atesiaña'chove.

Juan 14:24

Tsa'ma majan ñama ñotsse in'jambi'ta ña aya'fama'qque pañaña'bi. Que'i paña'jen'cho aya'faja ñambembi tsu –tsa'ma ñama moen'su Chiga Quitsambe aya'fa tsu.

Juan 3:12

Que'inga va ande'suma condasesi pañambi'ta ¿ma'caen qui in'jan'faya sefacconima condase'ninda?

Juan 3:13

Majañi'qque sefacconi ansundepa andepa conda'fambi. Tsa'ma Sefaccone Ji'cho A'i gi andenga ande'cho condaye osha.

Juan 3:3

Tsonsi Jesúsja su: —Ñoa'me gi su, majan cuname isumbi'choa'manda ¿ma'caen tsu Chigaja tise na'suve daya?

Juan 3:5

Tsonsi Jesúsja su: —Nane ñoa'me gi su, majan tsa'ccui'ccu toya'caen Qquendya'pai'ccu isumbi'choa'ta tsu Chigama na'siañe oshambi.

Juan 5:43

Ña Yaya moensi jisi qui ñama paña'fambi. Tsa'ma faesu a'i jipa tisune afa'nijan tsama qui paña'faya.

Juan 7:16

Tsonsi Jesúsja su: —Ña atesian'choja ñambembi tsu. Tsa'ma ñama moen'sumbe tsu.

Juan 8:14

Jesúsja su: —Ju, ñajan tisune afa'je. Tsa'ma ñajan mane tisu ji'chove, mani jaya'chove'qque atesusi tsu ña afa'chota ñoa'me tansintssi. Tsa'ma que'ija atesu'fambi qui mane ña ji'chove ni maningae ña jaya'chove'qque.

Juan 8:26

Toya tsu ti'tsse afaya'cho jin que'i injama'choma somboeña'chone. Ñama moen'su su'choma pañamba gi tsa'caen a'inga ña'qque su. Tise su'choja tansintssi tsu.

Juan 8:38

Ña Yaya ñanga canjaensi gi afa. Tsa'ma que'ija tisu yaya su'choma qui tson'fa.

Tson'fa'cho 22:18

Na'su Jesúsma atte. Tiseja ñama su: “Uta'tsseyi Jerusaléne sombopa jaja. Que ñane afasi vani'su aindeccuja paña'ma pañañe chi'ga'faya.”

2 Corinto'su 4:4

Nane va ande'su na'su Satana tise'pa injama'choma fanangoen tansintsse paña'fasa'ne. Binie daqquia'caen a'tatssia Cristone ñotsse condase'choma in'jan'fambi. Cristoja Chigai'ccu fae'ngatssipa Chigama inginga a'tatsse canjaensi tsendeccuja atteye oshambipa in'jan'fambi.

Canjaen'cho 1:5

Jesucristo'qque tsu tsa'caen chigambian. Nane Jesucristoja tansintsse tsu Chigama inginga canjaen. Papa aisheve ccase qquendya'su tsu. Poi ande'su na'suma manda'su tsu. Jesucristoja ingima ñotsse in'jamba tise anjampai'ccu ingima onjoemba ingi egae tsincon'choma ccucha.

Canjaen'cho 3:14

Toya'caen Laodicea canqque'su Jesúsve in'jamba bo'fa'choma coira'sunga qquen tevaenjan: Qquen tsu tsangaeyi tson'suja su. Tsa Chiga mandaqquia'caen tansintsse conda'su, tsa pa'cco Chiga agattoen'chove agattoen'suja qquen tsu su: