Juan 21:7 - Cofán: Chiga Tevaen'jen

⁷ Tsomba ña Jesús in'jan'cho gi Pedroma su: —¡Na'su tsu! Nane ondiccu'jema oshichhapa shacari'ccuyi vacho'jepa Simón Pedroja “Na'su” qquen pañamba tise ondiccu'jema ondiccupa marnga butto ca'ni otafani somboye.

Juan 21:7 Iomraidhean Croise

Salmos 118:23

Tsa'caen tsu Na'suja tson. Ingija attepa can'boemba “Ñotssi tsu” qquen asi'ttaen'fa.

Marcos 11:3

Majan jongoesie qui tson'jen'fa qquen iñajampaña'nijan su'faja: “Na'su tsu vanga dyaipa japa ccase ipa afeya.”

Lucas 12:35

Ondiccupa que'i tuñoma setsaemba ronda'je'faja.

Lucas 2:11

Ja'ño a'ta tsu David canqqueni que'ima ccushaen'suve isu. Tsaja Na'su Cristo tsu.

Lucas 7:47

Tsa'cansi gi quema su: Tsa pushesuja tsain'bitsse egae tsincon'chopa pa'ccoma joqquitssiangepa ñame ñotsse in'jan. Tsa'ma majan a'i re'riccoe egae tsincon qquen in'jamba re'riccoe joqquitssiangepa aqquia re'riccoe ñame in'jan.

Juan 13:23

Ñajan, Jesús in'jan'cho gi Jesúsi'ccu pporotsse ccuipa an'jen.

Juan 19:26

Jesúsja tise chama attepa ña tise in'jan'cho shondo'suma'qque attepa tise changa su: —Mama, tsa tsu que du'shuja.

Juan 20:2

Tsa'caen attepa buttopa ji, ña, Jesús in'jan'cho, Simón Pedroi'ccu can'jeni. Jipa inginga su: —¡Na'su ai'voma atu'tti'ye anga'fasi gi mani ccuiña'chove'qque atesumbi!

Juan 20:20

Tsa'caen supa tise tivema, tise utuccu'ttima inginga canjaen. Ingija Na'suma attepa gi avuja'fa.

Juan 20:28

Tsonsi Tomásja su: —¡Ña Na'su qui! ¡Ña Chiga qui!

Juan 21:20

Piyicamba Pedroja ñama atte, tise sepaccofae jiña'choma. (Nane Jesús ñama ñotsse in'jansi gi an'jen'choni tisei'ccu pporotsse dyaipa iñajampaña: “Na'su, ¿majan tsu quema indiye afe'su?”)

Juan 21:24

Ña gi tsa shondo'su. Osha'choma ña tso'fei'ccu attepa gi qquen tevaen. Poiyi'cco tsu atesu'fa ñajan tansintsse afa'su.

Juan 21:8

Tsonsi ingija vacho'vama qquitsapa shavoma ccattufaen'fa patundu'ndunga. Biambi'cco tsu, cien metroqquia'can.

Tson'fa'cho 10:36

Chiga Quitsa tsu israendeccunga conda va ñotsse condase'choma ma'caen Jesucristoja a'i injama'choma ñoquian'suve. Tsa Jesúsyi tsu poiyi'ccombe na'su.

Tson'fa'cho 2:36

Tsa'cansi tsu poiyi'cco israendeccu vama pañamba ñotsse in'jan'faya'cho: Va Jesús que'i avuja'cconga fi'tti'choma Chiga Quitsaja Na'su Cristove tson.

1 Corinto'su 15:47

Tseyi agattoen'cho a'ija va ande'su tsu. Va andema ñoña'cho tsu. Tsa'ma omba'su a'ija sefacconi'su –ingi Na'su tsu.

2 Corinto'su 5:14

Nane Cristo a'ima ñotsse in'jan'choma atesupa gi ti'tsse a'ima candusian'jen. Fae'cco poiyi'ccone pasi ñoa'me poiyi'cco tisei'ccu fae'ngae pa'fa qquen gi in'jan'fa.

Santiago 2:1

Ña faenga'su Cristove in'jan'chondeccu, que'ija ingi Ti'tsse'tssia Na'su Jesucristo a'ita ¿ma'caen qui fae a'i faesuma ti'tsse'tssia qquenjan in'jaña?