Juan 20:27 - Cofán: Chiga Tevaen'jen

²⁷ Tsomba Tomásnga su: —Ña tivema camba que tsimian'ccoi'ccu tsomijan. Ña utuccu'ttima que tivei'ccu tsomijan. “Nane ñajan in'jaña'bi” qquen sumbe'yi ¡ñame in'janjan!

Juan 20:27 Iomraidhean Croise

Salmos 78:38

Tsa'ma Chigaja toya tise'pama mendeye'jepa tise'pa egae tsincon'cho shacama joqquitssian. Tise iyicca'ye'choma'qque aqque'papa tise'pama fi'ttimbi. Nane ccase, ccase ñoquisi tise ñoa'me iyicca'ye'choja pasa.

Mateo 17:17

Qquen iñajansi Jesúsja su: —Que'i ja'ño'su aindeccuja tansintsse Chigave in'jambipa ccaningae qui in'jan'fa. ¿Min'ge'e gi tsuin'da quei'ccu can'jemba angacaña? I'ngaja du'shuma.

Marcos 9:19

Jesús pañamba su: —¡Ay, que'ija injienge'fambi! ¿Min'ge'e gi que'i'ccuta can'jeña? ¿Min'ge'e gi tsuin'da angacaña? ¡I'faja du'shuma!

Lucas 24:39

Ña tive, ña tsu'ttema'qque can'faja. Ñañi gi. Ñama pporaemba can'faja. Camba qui in'jan'faya ñajan nama, tsu'ttama'qque an'bian. Ayaja tsa'caen an'biambi.

Lucas 24:40

Qquen supa tise tive, tsu'ttema'qque canjaen.

Lucas 9:41

Tsa'caen susi Jesúsja su: —Que'i ja'ño'su aindeccuja itoyetsse in'jamba Chigave in'jambindeqquia qui. ¿Min'ge'e gi tsuin'da quei'ccu can'jemba angacaña? I'ngaja que dutssi'yema.

Juan 20:20

Tsa'caen supa tise tivema, tise utuccu'ttima inginga canjaen. Ingija Na'suma attepa gi avuja'fa.

Juan 20:25

omboe jisi ingija su'fa: —Na'suma gi atte'fa. Tsa'ma Tomásja su: —Tivema cravoi'ccu oti'fa'choma attembi'ta, ña tsimian'ccoi'ccu tsanga tso'mimbi'ta, ña tivei'ccu tise utuccuma quiccu'chonga tso'mimbi'ta in'jaña'bi gi.

Juan 20:28

Tsonsi Tomásja su: —¡Ña Na'su qui! ¡Ña Chiga qui!

Romanos 5:20

Tsonsi Chigaja Tise manda'choma condase cuintsu aindeccu tise'pa egae tsincon'choja ti'tsse ega qquen in'jan'faye. Tsa'ma tsa'caen in'ja'an'qque ti'tsse egae tsincon'fasi Chigaja a'ima ti'tsse mende'yepa ccushaen.