Juan 20:2 - Cofán: Chiga Tevaen'jen

² Tsa'caen attepa buttopa ji, ña, Jesús in'jan'cho, Simón Pedroi'ccu can'jeni. Jipa inginga su: —¡Na'su ai'voma atu'tti'ye anga'fasi gi mani ccuiña'chove'qque atesumbi!

Juan 20:2 Iomraidhean Croise

Juan 13:23

Ñajan, Jesús in'jan'cho gi Jesúsi'ccu pporotsse ccuipa an'jen.

Juan 19:26

Jesúsja tise chama attepa ña tise in'jan'cho shondo'suma'qque attepa tise changa su: —Mama, tsa tsu que du'shuja.

Juan 20:13

Chigama sefacconi'su shondosundeccuja iñajampaña'fa: —Pushesu, ¿jongoesie qui ina'jen? Tiseja su: —Ña na'su ai'voma atu'tti'ye anga'fasi gi mani ccuiña'chove atesumbipa ina'jen.

Juan 20:15

Tsonsi Jesúsja iñajampaña: —Pushesu, ¿jongoesie qui ina'jen? ¿Majame qui tta'tta? Tiseja quinisisicco coira'su qquen in'jamba Maríaja su: —Coira'su, que Jesús ai'voma anga'pa mani ccuiña'da ñanga condaja ña angaye.

Juan 20:9

Tsa'ma toyayi gi Chiga Tevaen'jen Jesús papa ccase qquendyaya'chone su'choma atesu'fambi.

Juan 21:20

Piyicamba Pedroja ñama atte, tise sepaccofae jiña'choma. (Nane Jesús ñama ñotsse in'jansi gi an'jen'choni tisei'ccu pporotsse dyaipa iñajampaña: “Na'su, ¿majan tsu quema indiye afe'su?”)

Juan 21:24

Ña gi tsa shondo'su. Osha'choma ña tso'fei'ccu attepa gi qquen tevaen. Poiyi'cco tsu atesu'fa ñajan tansintsse afa'su.

Juan 21:7

Tsomba ña Jesús in'jan'cho gi Pedroma su: —¡Na'su tsu! Nane ondiccu'jema oshichhapa shacari'ccuyi vacho'jepa Simón Pedroja “Na'su” qquen pañamba tise ondiccu'jema ondiccupa marnga butto ca'ni otafani somboye.