Juan 2:16 - Cofán: Chiga Tevaen'jen

¹⁶ Toya'caen ppuppuju'choma chavaensundeccunga su: —Pa'cco vama joqquitssian'faja. ¿Ma'caen qui ña Yaya ettima chavaen'jen'ttive tson'fa?

Juan 2:16 Iomraidhean Croise

Jeremías 7:11

¿Jongoesu qquen qui asi'ttaen'fa? ¿Va ñame in'jan'cho ettita ti ccanamba tsa'o? Ña Na'su Chiga gi que'i va'ttinga egae tsincon'choma tayo attepa ja'ño que'inga conda.

Mateo 21:12

Tsomba tse'i Jesús Chiga ettinga ca'nimba tse'ttini chavaensundeccuma atte. Chavasundeccu'qque tseni jipa chava'je'fa. Tsendeccuma attepa poiyi'ccoma tteya maña. Toya'caen corifin'dima cambiansundeccu tseni can'jensi Jesús tise'pa corifin'di mesama ccofetta amppian. Ppuppuju'choma chavaensundeccumbe dyaipa'choma'qque ccofetta amppian.

Mateo 21:13

Ccofetta amppiamba su: —Chiga Tevaen'jengae Chiga tsu su: “Ña tsa'oja ñama iñajan'jen'tti tsu.” Tsa'ma que'ija va Chiga ettima ccanamba tsa'ove tson'fa.

Mateo 22:5

Tsa'ma ttu'se'chondeccuja pañambiqquia'caen ccani ja'fa. Fae'cco tise nasipama semañe ja. Faesu tise tiendani ja chavaeñe.

Marcos 11:17

Tsa'caen tsomba atesian'jemba su: —Chiga Tevaen'jenga Chiga tsu su: “Ña tsa'ota tsu poi ande'su a'ine ñama iñajan'jentti.” Tsa'ma que'ija va tsa'oma ccanamba tsa'ove tson'fa.

Lucas 2:49

Tsa'ma Jesús tise'pama su: —¿Jongoesie qui ñame ttatta'je'fa? ¿In'jan'fambi ti qui ñajan ña Quitsa tsaoni can'jemba semaña'cho?

Juan 10:29

Ña Yaya Chiga Quitsa tsu poiyi'ccoma ti'tsse'tssiapa tsendeccuma ñanga afe. Majañi'qque tise'pama Chiga Quitsa'ye itsaye osha'fambi tsu.

Juan 2:15

Tsama attepa Jesúsja simba'fama ma'ppi'fave ñoñamba chavaensundeccuma ma'ppimañajan Chiga etti'ye. Ovejama, vaurama'qque na'sui'ccu fae'ngae ma'ppimañajan. Corifin'dima cambiansundeccu mesama'qque qquitssa tovaccoemba pa'cco corifin'dima shequian moen.

Juan 20:17

Jesúsja su: —Ñama pporo'roembe antteja. Toya gi sefacconi ña Yaya can'jeni jambi. Tsa'ma japa fae'ngae ñame in'jan'chondeccunga condaja: Ñanda gi ña Yaya, que Yayani jaya. Ña Chigani, que Chigani gi jaya.

Juan 5:17

Tsa'ma Jesúsja tise'pama su: —Ña Yaya ja'ño pan sema'jensi gi ña'qque sema'jen.

Juan 8:49

Tsonsi Jesúsja su: —Ñajan ni fae cocoyave an'biambi gi. Chiga ña Quitsane ñotsse afasi que'ija ñama afase'fa.

1 Timoteoga 6:5

Nane tise injama'choja dañonge'cho tsu. Tsa'cansi injanga tsu afacco'fa. Chigambe tansintsse su'choma qquepa injanga atesian'jen'fa aqquia ganamba osha'choma an'biañe in'jamba.

2 Pedro 2:3

Afopa'cho atesiansundeccuja panshaen osha'choma in'jamba que'ima afopoemba daño'faya tisupa ganañe. Bo'tsse Chigaja ronda'je tise'pa injama'choma somboeñe. Tsa'ma ja'ño tise'pama catiya'chove tayo ñoñasi ca'tsa napiji.