Juan 19:18 - Cofán: Chiga Tevaen'jen

¹⁸ Tse'ttinga Jesúsma avuja'cconga otipa ccutsian'fa enttingenga. Faesu dos a'ima'qque avuja'cconga otipa ccutsian'fa. Nane fa'emajan Jesús pavefanga, faesumajan tansinfanga ccutsian'fa.

Juan 19:18 Iomraidhean Croise

Salmos 22:16

Ain shoquendi'e catseqquia'caen tsu ega aindeccuja ñama ttu'fa. Nane ttupa tsu ña tive, tsu'ttema'qque canshaen'fa.

Isaías 53:12

Tise tsa'caen tsonsi Chigaja tisema joccapitssia've tsoña cuintsu ti'tsse mandasundeccui'ccu fae'ngae patsu'faye. Nane tiseja fi'tti'chonga afeyepa faesu egae tsincon'su tsu, qquen su'fa. Tsa'ma ñoa'me tsain'bio aindeccu egae tsincon'choma anga tsendeccune Chigama iñajamba ñoquiañe.

Mateo 27:44

Nasundeccu qquen afasesi fae'ngae Jesúsi'ccu otiye'chondeccu'qque tsa'caen tisema afase'fa.

Juan 18:32

Tsa'caen tsu su'fa Jesús suqquia'caen tsoñe. Nane Jesúsja tayoe su tiseja avuja'cconga paya'cho.

Juan 19:32

Tsa'caen mandasi sundarondeccu japa Jesúsi'ccu fae'ngae oti'fa'choma fa'embe ttena'goma ucca'shopa faesumbe ttena'goma'qque ucca'sho'fa.

Tson'fa'cho 2:23

Chigaja tayoe pa'tssima atesupa ñotsse in'jan'ma Jesúsma que'inga moen cuintsu que'i ma'caen tsoñe in'jan'da tsa'caen tisema tson'faye. Tsa'caen moensi que'ija tisema fi'tti'fa. Nane indipa egandeqquianga afesi avuja'cconga otipa fi'tti'fa.

Galacia'su 3:13

Majañi'qque naniñe oshaya'bipa poiyi'cco tsu Chigane shacapapa catiye'faya'cho. Tsa'ma Cristoja tsa shacama tisunga isu, Chiga Tevaen'jen suqquia'caen, “Quini'cconga dusiamba fi'tti'cho a'ita tsu catiya'cho.”

Hebreo'su 12:2

Nane Jesúsja ingima tsu canjaen ma'caen canse'faye. Tise can'jen'chove in'jamba gi ma'de'faya'cho. Nane tiseja ingima ccushaemba ingima atesian'su tsu. Tiseja in'jangae tsincon'sia'caen avuja'cconga pa. Tsa'ma ansangembe'yi tsa'caen pa ingima ccushaeñe. Jai'ngae ingi'ccu avujatssiya qquen in'jamba tsu tsa'caen vana. Vanamba papa Chiga sefacconi japa na'suve dapa Chiga tansinfani dyaipa manda'je.