Juan 18:11 - Cofán: Chiga Tevaen'jen

¹¹ Tsa'ma Jesúsja Pedroma su: —Toengayi que matichima ppiñajan. Ña Yaya vanañe anttesi gi tsa'caen vanañe tson'jen. ¿Jongoesie qui eje ca'ni?

Juan 18:11 Iomraidhean Croise

Mateo 20:22

Qquen iñajansi Jesús tsendeccuma su: —Que'i tsa'caen iñajamba atesu'fambi qui jongoesuve tisu iñajan'choma. ¿Osha'fa ti qui ña cui'ccuma cu'iqquia'caen vana'faye? ¿Osha'fa ti qui ña fetiye'chonga fetiyeqquia'caen vana'faye? Tise'paja su'fa: —Ju, osha'fa gi.

Mateo 26:39

Qquen supa ti'tsse jocca'tticcoe japa camba'jui'ccu andenga amppi ccuipa Chigama iñajan: —Ña Yaya, Chiga Quitsa, Que osha'ta va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.

Mateo 26:42

Tsomba ccase Jesús japa Chigama iñajan: —Ña Yaya, ña vanaña'choma joqquitssiañe oshambi'ta antteja cuin'qque ña vanañe. Que in'janqquia'caen tsonjan.

Lucas 12:30

Poi ande'su aindeccu tsu tsa'caen in'jamba canse'fa. Tsa'ma Chiga que'i Quitsaja tayo tsu in'jan que'i osha'chove in'jamba shaca'choma.

Lucas 22:42

su: —Yaya, que in'jan'da va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.

Juan 15:10

Ñajan ña Yaya manda'choma pañamba tsomba gi Tise in'jan'cho. Tsa'caen que'i'qque ña manda'choma pañamba tson'da qui ña in'jan'chondeccu.

Juan 17:24

Yaya, va ande meinte queja ñama in'jamba ñama ti'tsse'tssia've tson. In'jan gi cuintsu que in'jaensi ñame in'jan'chondeccu'qque ñai'ccu ña can'jeñani can'jemba que ñama ti'tsse'tssia've tson'choma atte'faye.

Juan 18:36

Jesúsja su: —Ñajan na'sia'caen mandambi gi va andeni. Ña'qque vani'su na'sia'caen can'jen'choecan'da ña aindeccuja iyicco'faye'can tsu, israendeccu ñama indi'fasa'ne. Tsa'ma ñajan vanima mandambi gi.

Juan 20:17

Jesúsja su: —Ñama pporo'roembe antteja. Toya gi sefacconi ña Yaya can'jeni jambi. Tsa'ma japa fae'ngae ñame in'jan'chondeccunga condaja: Ñanda gi ña Yaya, que Yayani jaya. Ña Chigani, que Chigani gi jaya.

2 Corinto'su 10:4

Sundaroa'caen matichima angacan'fambi gi. Tsa'ma Chiga ingima quiñaemba ñoñasi gi cocoya na'su jincho'choma patsu'fa. Ta'etssia tsa'oma asi'ttaqquia'caen gi tise manda'je'choma patsu'faya.

2 Corinto'su 6:7

Chiga ingima fuitesi gi tise tansintsse condase'choma condase'fa. Jesús ñotssiama inginga anttesi gi ño'ame da'fa. Tsa'caen ño'amba Chigambe sundaroa'caen dyombi'tsse gi iyiccoye jayi'fa. Tsa'caen ño'ame dasi ingi'ccu iyiccosundeccuja ñoa'me osha'fambi.

Hebreo'su 12:2

Nane Jesúsja ingima tsu canjaen ma'caen canse'faye. Tise can'jen'chove in'jamba gi ma'de'faya'cho. Nane tiseja ingima ccushaemba ingima atesian'su tsu. Tiseja in'jangae tsincon'sia'caen avuja'cconga pa. Tsa'ma ansangembe'yi tsa'caen pa ingima ccushaeñe. Jai'ngae ingi'ccu avujatssiya qquen in'jamba tsu tsa'caen vana. Vanamba papa Chiga sefacconi japa na'suve dapa Chiga tansinfani dyaipa manda'je.