Juan 15:24 - Cofán: Chiga Tevaen'jen

²⁴ Ña cca'i canjaen'choma ti'tsse canjaembiecan'da tise'paja shacapa'biye'can tsu tise'pa egae tsincon'chone. Tsa'ma ja'ño tsendeccuja osha'choma ña tsonsi atte'a'qque ñama chi'gapa ña Yayama'qque chi'ga'fa.

Juan 15:24 Iomraidhean Croise

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Mateo 11:5

Binindeccu tsu atte'fa. Ccutsumbindeccu tsu tsui jacan'fa. Na congomba pajisundeccu tsu giya'tsse ccushapa ja'fa. Tsonsinambindeccu tsu paña'fa. Nane pajin ccui'chondeccu ccase tsu qquendya'fa. Va'chandeccu'qque ñotsse condase'choma tsu paña'fa.

Mateo 21:32

Feti'su Juanjan ji ma'caen canseya'chove atesiañe. Atesiansi que'ija in'jan'fambi. Tsa'ma govierno impuestoma isusundeccu, tisu ai'voi'ccu gana'su pushesundeccu'qque tisema pañamba in'jan'fa. Nane que'ija tsa'caen atte'ma que'i egae tsincon'choma chi'ga'fambi tisema pañamba in'jañe.

Mateo 9:33

Jesús cocoyama joqquitssiansi ayafambija afa. Bo'fa'cho aindeccuja can'boen ccutsupa su'fa: —Nane mingui'te'qque va'ca'ma israe andenima atte'fambi gi.

Marcos 2:12

Tse'faei'ccuyi paji'suja jangipa tise ana'jen'choma isupa tse'ttie sombopa ja. Poiyi'cco a'i tsama atte'fa. Attepa can'boen ccutsupa Chigane ñotsse afa'fa qquen supa: —¿Minga'ni'qque atte'fambi gi qquia'ma?

Lucas 24:19

Tsonsi Jesús tise'pama su: —¿Jongoesuma tsu tson'fa? Tsonsi tisenga conda'fa: —Jesús Nasarenoma tson'cho tsu. Tiseja Chiga Aya'fama afa'su. Osha'cho ñotssiave atesiamba osha'cho ñotssiave tson. Chiga tisei'ccu can'jensi poiyi'cco a'i tise've in'jan'fa.

Juan 10:32

Jesúsja su: —Ña Yaya ñama oshaensi gi osha'cho ñotssiama que'inga canjaen'jen. ¿Ma'caen tson'chone qui ñamajan patui'ccu ttovaye in'jan'fa?

Juan 10:37

Chiga tson'choma ña tsombian'da in'jambe can'faja.

Juan 12:10

Lázarone pañamba tsain'bio a'i tise'pa israe'su in'jan'choma catipa Jesúsve in'jan'fa. Tsa'cansi Chigama afa'su nasundeccuja condasecco'fa ma'caen Lázaroma'qque fi'ttiya'chove.

Juan 12:45

Majan ñama atte'ta ñama moen'suma'qque tsu atte'fa.

Juan 14:9

Jesúsja tisema su: —Felipe, va pa'tsse que'i'ccu can'jen'ma ¿toya ti qui ñama atesumbi? Majan ñama atte'ta Chiga Quitsama'qque tsu atte'fa. ¿Ma'caen qui ja'ñojan su: “Chiga Quitsama inginga attianjan.”?

Juan 15:21

Nane que'ija ña a'i'fasi tsendeccuja ñama moen'suve atesumbipa tsu tsa'caen que'ima'qque tson'faya.

Juan 15:22

Ña jipa condambiecan'da tsendeccuja shacapa'biye'can tsu tise'pa egae tsincon'chone. Tsa'ma jipa ña condasi tise'paja “Ñajan egae tsincombi” qquen suye osha'fambi.

Juan 15:23

Nane majan ñama chi'ga'ta ña Yayama'qque tsu chi'ga.

Juan 16:9

Nane a'i ñame in'jambipa egae tsincon'fasi Fuite'suja tsane tise'pama in'jaeña.

Juan 3:2

Cose Nicodemojan Jesúsni can'su jipa su: —Atesian'su, atesu'fa gi queja ñoa'me Chiga moen'cho atesian'su qui. Majañi'qque quia'caen canjaen'choma canjaeñe oshambi Chiga tisei'ccu can'jembian'da.

Juan 5:36

Tsa'ma Juan su'choma bove ñotsse canjaen'cho tsu jin. Ña Yaya ñama mandasi gi tsa'caen tson'jen. Tsa'caen tson'jensi tsu tsa tson'choja ñoa'me canjaen Chiga ñama manda'suve.

Juan 6:36

Tsa'ma ña suqquia'caen qui ñama atte'a'qque toya ñame in'jan'fambi.

Juan 7:31

Nane tsain'bio a'i tise've in'jamba su'fa: —¿Cristo ji'ta ti va a'ima ti'tsse'tsse canjaeña?

Juan 9:32

Minguite'qque pañaembi tsu binime isu'choma bittaen'jen'chove.

Juan 9:41

Jesúsja su: —Binia'caen atesumbiecan'da qui shacapa'fambiye'can que'i egae tsincon'chone. Tsa'ma “Atesu gi” qquen supa qui binia'caen shacapa'fa.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

Tson'fa'cho 2:22

¡Israendeccu, paña'faja! Chiga Quitsaja a'tatsse que'inga Jesús Nasareno'suma canjaen. Tisema in'jaensi Jesúsja osha'cho sefani'su agattoen'choma canjaen. Sefani'su canjaen'choma'qque canjaen. Attiaña'choma'qque attian. Tsa'caeñi tsu Chigaja tisema'qque a'tatsse que'inga canjaen. Que'ija tsama attepa qui injan'jen'fa.

Romanos 1:30

Faesune egae afopoen'fa. Chigama chi'ga'fa. Faesui'ccu iyicca'yepa afase'fa. Tisuja ñotssi qquen in'jan'fa. Tsa'caen in'jamba patsuye afa'fa. Egae tsincoña'chove asi'ttaen'fa ti'tsse egae tsincoñe. Tise yaya, tise mamama paña'fambi.

2 Timoteoga 3:4

Cca'indeccuma afeye in'jamba tise'pa a'tutsse su'choma nasundeccunga conda'faya. Toya'caen injanga tsincomba tsu tisuja injama'pa qquen in'jamba patsuye'yi afa'faya. Nane Chigama in'jambipa injanga tsomba ti'tsse avujatssiye tsu in'jan'faya.

Santiago 4:4

¡Que'ija casara'chonaccu'su faesundeccui'ccu canse'su'can'fa qui! ¿Atesu'fambi ti qui va ande'su in'jan'chove in'jan'da qui Chiga in'jan'choma chi'ga'suve da'fa? Nane majan va andeni jincho'chove in'jan'choja Chigai'ccu iyicco'suve tsu da.