Juan 13:5 - Cofán: Chiga Tevaen'jen

⁵ Tsa'caen utuquipa tsa'ccuma bandejanga fiñamba ingi tisema shondosundeccumbe tsu'ttema cashiye ashaen. Cashipa tise utuqui'cho sarupai'ccu ccucha'je.

Juan 13:5 Iomraidhean Croise

Génesis 18:4

Quema shondo'su gi. Que in'jan'ninda gi tsa'ccuve iñajamba afeya que'i tsu'ttema cashiye. Cashipa quini'cco'su tumbianccuni dyaicca'faja.

Génesis 19:2

qquen su: —Nasundeccu, chigáne ña tsaoni ji'faja. Tseni que'i tsu'ttema cashipa, ana qquendyapa qui tu'i sinte'yi ccase tsaiqui'ye ja'faya. Tsa'ma tise'paja su'fa: —Me'in. Vani atandundunga gi ana'faya.

Génesis 43:24

Tse'i José tsa'onga ca'niamba tsa'ccuma afe cuintsu tise'pa tsu'ttema cashi'faye. Toya'caen tise'pa borondeccunga'qque o'fian.

Salmos 51:2

Cashi catija ña in'jangae tsincon'choma. Ccucha catija ña egae in'jan'choma.

Isaías 1:16

¡Tisuma cashi'faja! ¡Que'i egae tsincon'choma ccucha'faja! ¡Nane que'i egae tsincon'choma cati'faja ña attesa'ne! ¡Egae tson'jen'choma antte'faja!

Levítico 14:8

“Majan tsa'caen giya'tsse ccusha'ta tsu tise sarupama ma'ppamba pa'cco tisu ai'vo'su tosema barberai'ccu fuchhapa tisu ai'voma'qque onjoña'cho. Tsa'caen tsomba giya'tsse dapa tsu canqquenga ca'niñe osha. Tsa'caen ca'ni'an'qque tsu siete a'tave tsa'onga ca'nimbe'yi tsotefani can'jeña'cho.

Lucas 7:38

I'namba tise inanzaccui'ccu Jesús tsu'ttema tssipoemba cashi. Tsomba tise tosei'ccu Jesús tsu'ttema ccucha. Ccuchapa tsu'ttema mochapa ñome'bai'ccu onjoen.

Lucas 7:44

Tsomba piyicamba pushesuma canjaemba Simónma su: —Va pushesuma canjan. Ña que tsa'onga ca'nisi queja tsa'ccuma afembi ña tsu'ttema cashiye. Tsa'ma va pushesuja tise inanzaccui'ccu ña tsu'ttema tssipoemba cashipa tise tosei'ccu ccucha.

Juan 13:10

Tsa'ma Jesúsja su: —Majan tayo onjon'chota ñoa'me giya'tssia tsu. Tsamajan aqquia tsu'tteveyi tsu cashiya'cho. Que'ija giya'tssi'fa qui que'i injama'choni. Tsa'ma poiyi'cco que'i'su giya'tssi'fambi qui.

Juan 13:6

Simón Pedro tsu'ttema cashiye tson'jensi Pedroja su: —Na'su, ¿que ti qui ña tsu'ttema cashiya?

Juan 13:8

Pedroja su: —Minguite'qque ña tsu'ttemajan cashiya'bi qui. Qquen susi Jesúsja su: —Ña quema cashimbian'da ñai'ccu fae'ngae can'jeñambi qui.

Juan 19:34

Tsa'caen uccambipa fae sundaro tise dansan'choi'ccu Jesús utuccu'ttima quiccusi tse'faei'ccuyi tsa'ccu anjampai'ccu sombo.

Tson'fa'cho 22:16

Tsonsi ja'ñojan, ¿jongoesie qui ronda'je? Jangipa fetiyeja. Na'su Jesúsma iñajanjan cuintsu cashiqquia'caen que egae tsincon'choma joqquitssiañe.

1 Corinto'su 6:11

Majan que'i'su tayoe tsa'caen canse'fa. Tsa'ma Na'su Jesucristove in'jamba Tise a'ive dapa qui fetiye'fa. Tiseja que'ima ttu'sepa que'ima ñotssiave tson. Ingi Chigaja Tise Qquendya'pai'ccu tsa'caen tson.

Efeso'su 5:26

Cristoja tsa'caen tsu pa tise a'ima ño'ame tsoñe. Tsa'ccui'ccu fetiqquia'caen tise'pama giyaemba Tise Aya'fai'ccu tise'pama in'jaemba ño'ame tson.

1 Timoteoga 5:10

Toya'caen toya ttu'sembe'yi tsu tise'pa ñotsse canse'choma atesuya'cho. ¿Tisu dushundeccumanda ti ñotsse coeña? ¿Cca'indeccumanda ti tise tsaoni ansundiamba o'fian? ¿Cca'i Cristove in'jan'chondeccumbe tsu'ttema cashiqquia'caen'da ti osha'chone fuite? ¿Vanasundeccuma'qque ti fuite? ¿Osha'chone ti cca'ima ñotsse tson? Tsa'caen ñotsse tso'ninda tsu Chigave in'jamba bo'je'chondeccu fuitesundeccuve ca'niañe ñotssi.

Hebreo'su 10:22

Tise tsa'caen ingine afa'ninda jinge tise've in'jamba ti'tsse Chigama atesu'faye. Ingi injama'choni se'pimbe'yi ñoa'me Jesucristo ingi'ccu can'jemba fuite qquen in'jamba Chigama ti'tsse atesu'faya'cho. Nane Jesucristoja tise anjampa tssansi ingi injama'choma giya'tsse tson. Tsa'caen giyaensi gi ingi egae tsincon'choma aqque'paye osha'fa. Toya'caen tayopi'su Chigama afasundeccu chandi'tssia tsa'ccui'ccu ai'voma onjonqquia'caen ingi'qque giya'tsse dapa Chigama ti'tsse atesu'faya'cho.

1 Juan 1:7

Tsa'ma Chiga'caen a'tatssiani can'jen'da gi tisupapora fae'ngae jinchopa ñotsse canse'faya. Toya'caen Jesús anjampa tsu ingima ccucha'je osha'cho egae tsincon'cho'ye.

1 Juan 5:6

Jesucristo jisi tsa'ccu, anjampaja tisene canjaen'fa. Fetiyesi tsa'ccu tsu canjaen. Tsa'ma aqquia tsa'ccui'ccuyi canjaembi tsu. Tise anjampa'qque tssamba canjaen.

Canjaen'cho 1:5

Jesucristo'qque tsu tsa'caen chigambian. Nane Jesucristoja tansintsse tsu Chigama inginga canjaen. Papa aisheve ccase qquendya'su tsu. Poi ande'su na'suma manda'su tsu. Jesucristoja ingima ñotsse in'jamba tise anjampai'ccu ingima onjoemba ingi egae tsincon'choma ccucha.

Canjaen'cho 7:14

Iñajampañasi gi su: —Na'su, que qui atesu. Tsonsi tsu su: —Ñoa'me vana'jeinte tsu vandeccuja ccushapa sombo'fa. Nane Ovejambe anjampa tssan'choi'ccu tise'pa ondiccu'jema giya'tsse totoave cashipa tsu ccusha'fa.