Juan 13:17 - Cofán: Chiga Tevaen'jen

¹⁷ Tsa'caen atesupa qquen tson'da qui ñoa'me avujatssi'faya.

Juan 13:17 Iomraidhean Croise

Génesis 6:22

Noéjan ñotsse pañamba pa'ccoma Chiga mandaqquia'caen tson.

Salmos 19:11

Ñajan quembe sema'supa gi que manda'choma pañamba in'jan. Pañamba gi ñotssiama isu.

Éxodo 40:16

Nane Moisésja pa'ccoma Na'su Chiga tisenga mandaqquia'caen nanitsse tson.

Mateo 12:50

Nane poiyi'cco majan Chiga ña Sefacconi'su Quitsa aya'fama pañamba tsa'caen tson'da ñoa'me ña quinshin, ña que'tte, ña mama'can'fa tsu.

Lucas 11:28

Tsa'ma Jesúsja su: —Ju, tsa'ma majan Chiga Aya'fama pañamba tson'da tsa tsu ti'tsse avujatssi.

Juan 15:14

Que'ija ña in'jan'chondeccu qui ña manda'choma pañamba tson'da.

Romanos 2:13

Moisés manda'choma aqquia injanga paña'fa'ninda Chigaja “Queja ñotssia” qquen suya'bi. Tsa'ma pañamba tsa'caen ñotsse cansesi tsu Chigaja “Queja ñotssia” qquen suya.

Galacia'su 5:6

Chhiyitevaemba canjaen'cho, ni chhiyitevaembe can'cho'qque, tsu ingima ccushaeñe oshambi. Tansi Jesucristove in'jamba gi ccusha'fa. Nane Jesucristove in'jamba fuengasuma'qque ñotsse in'jan'choyi tsu ccushaeñe bare.

Santiago 1:25

Tsa'ma Chiga manda'cho tsu a'ima ccushaeña egae tsincon'cho na'su'ye. Majan a'i tsa tansintssia manda'choma in'jamba ñoa'me poi a'ta pañamba tise paña'choma aqque'pambe'yi tsa'caen tson'da osha'cho tson'chone tsu avujaya.

Santiago 4:17

Majan ñotsse tsoñe atesupa ñotsse tsombi'ta egae tsu tsincon.

Canjaen'cho 22:14

Poiyi'cco majan tise'pa ondiccu'jema giya'tsse ma'ppan'da ñoa'me tsangae avujatssi'faya. Tsendeccuja Chiga canqque'su sombo'tti'ye ca'niñe osha'faya. Ca'nimba Cansiaña'cho Quini'cco'su teta'choma añe osha'faya.