Juan 12:6 - Cofán: Chiga Tevaen'jen

⁶ Judasja mendeqquiama ñoa'me mende'yembi'ma qquenjan aqquia su. Tiseja ccanamba tsu. Nane ingi corifin'di bosama coira'supa tsani jincho'choma tsu cca'na.

Juan 12:6 Iomraidhean Croise

Salmos 14:1

A'i sumbija tise injama'choni “Chigaja jimbi” qquen su. Ju, poiyi'cco tsu egae dapa ñoa'me in'jangae tsincon'fa. Me'i'on tsu ñotsse tson'suve.

Mateo 21:13

Ccofetta amppiamba su: —Chiga Tevaen'jengae Chiga tsu su: “Ña tsa'oja ñama iñajan'jen'tti tsu.” Tsa'ma que'ija va Chiga ettima ccanamba tsa'ove tson'fa.

Lucas 8:3

Faesuja Juana. Tise tsa'nduja, Choza, tsu ande na'su Herodes tsa'o na'su. Toya'caen Susana, cca'indeccu'qque fae'ngae jacan'fa. Tise'pa an'bian'choi'ccu, tise'pa corifin'di'ccu Jesúsma, tisema shondosundeccuma'qque fuitepa osha'chove ñoña'fa.

Juan 10:13

Nane tsa a'ija aqquia corifin'dima ganañe coira'supa ovejane in'jambe ccuyin jaya.

Juan 12:5

—¿Micomba tsu ñome'bamajan tresciento denario corifin'dive chavaembi corifin'dima isupa mendeqquianga afeye?

Juan 13:29

Nane Judasja corifin'di coira'susi majandeccuja qquen asi'ttaen'fa: —Jesúsja tisema manda fiesta anqque'suma chavaye. Cca'indeccu asi'ttaen'fa: —Jesúsja tisema manda cuintsu corifin'dima mendeqquianga afeye.

1 Corinto'su 6:10

Ni ccanambandeccu, ni osha'choma isuye panshaen in'jan'chondeccu, ni ccusipasundeccu, ni afasesundeccu, ni itsapasundeccu'qque Chigai'ccu fae'ngae can'jen'faya'bi.

Galacia'su 2:10

Toya'caen tsu in'jan'fa ingija aqque'pambe'yi mendeqquiama fuite'faye. Nane tsa'caen fuiteye tayo in'jamba gi toya tsa'caen fuite'je.

1 Tesalónica'su 5:22

Toya'caen osha'cho ega'ye joqquitssi'faja.

Santiago 2:2

Nane qquen qui que'ija tson'jen'fa: Que'i a'i bo'je'ttinga dos a'i, fa'eja cori sotijapa ñotssiama ondiccucho'cho, faesuja mechopa tssoruma ondiccucho'cho ca'ni'ninda qquen qui tson'jen'fa:

Santiago 2:6

Tsa'ma que'ija mendeqquiama ansange'fa. ¿Tsuin'da ti osha'choma an'bian'chondeccuja que'ima afopoemba cca'na'fambi? Que'i afepoeñe oshambi'ninda ¿nasundeccunga qquitssapa anga afe'fambi ti?