Juan 12:10 - Cofán: Chiga Tevaen'jen

^10-11 Lázarone pañamba tsain'bio a'i tise'pa israe'su in'jan'choma catipa Jesúsve in'jan'fa. Tsa'cansi Chigama afa'su nasundeccuja condasecco'fa ma'caen Lázaroma'qque fi'ttiya'chove.

Juan 12:10 Iomraidhean Croise

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Mateo 12:14

Jesús tsa'caen ñotsse ccushaensi fariseondeccuja sombopa iyicca'yepa condasecco'fa ma'caen Jesúsma fi'ttiye.

Mateo 2:16

Injama'pandeqquia ccafaeyi ja'fasi ande na'su Herodes pañamba afopoen'fa qquen in'jamba ñoa'me iyicca'ye. Iyicca'yepa manda cuintsu poiyi'cco Beléni'su tsandie du'shuma fitti'tti'faye. Toya'caen Belén canqque pporotsse can'jensundeccumbe tsandie du'shuma'qque fitti'ttiye manda. Nane injama'pandeqquiai'ccu tayo condasepa o'fe maqui attian'choma agattopa poiyi'cco tsandie dushundeccu majan dos canqque'fama bove'ccoama fitti'ttiye manda.

Lucas 16:31

Tsa'ma Abrahamjan tisema su: “Moisés manda'choma pañambi'ta, Chiga Aya'fama afasundeccu tevaen'jema pañambi'ta ñoa'me pa'cho qquendya'pa ja'ni'qque tisema paña'faya'bi.”

Juan 11:57

Nane Fariseondeccu, Chigama afa'su nasundeccu'qque tayo qquen manda'a: —Majan mani Jesús can'jen'choma atte'ta conda'faja tisema indiye.

Juan 12:9

Tsain'bio israendeccu Jesús can'jen'choma pañamba ji'fa. Tsa'ma Jesúsveyi atteye ji'fambi. Nane Lázaro pasi Jesús tisema ccase qquendyaen'choma pañamba Lázaroma'qque atteye ji'fa.