Juan 10:6 - Cofán: Chiga Tevaen'jen

⁶ Jesúsja qquen condase'choi'ccu condase. Tsa'ma tise'paja atesu'fambi jongoesu qquen suye in'jan'chove.

Juan 10:6 Iomraidhean Croise

Salmos 106:7

Ingi tayopisundeccuja Egiptoni can'jemba que ti'tsse'tssia canjaen'choma chi'gapa que tise'pama ñotsse in'jan'choma aqque'pa'fa. Tsa'caen aqque'papa Cu'a mar jin'ttinga quema'qque chi'gapa cati'fa.

Salmos 82:5

Tsa'ma que'ija ñoa'me atesumbipa injama'choni in'jambipa sinttia'ni jacanqquia'caen injanga canse'fa. Nane dyaiña'cho congonsi tsa'o osuiqquia'caen qui aindeccuma da'ño'fa.

Daniel 12:10

Toya nepimbi'te tise'pama noñangiansi tsain'bio a'i osha'choi'ccu vanasundeccu tsu ñotssia giya'tssive sombo'faya. Tsa'ma egae tsinconsundeccu tsu ti'tsse egae tsincomba canse'faya. Nane egae tsinconsundeccuja Chiga ma'caen tsoña'choma atesu'faya'bi. Tsa'ma injama'pandeqquiaja tsama in'jamba atesu'faya.

Mateo 13:34

Tsa'caen tsu Jesús condase'chongae aindeccu bo'fa'chonga osha'choma atesian'jen. Nane a'tatsse afambipa condase'chongaeyi tsu atesian'jen.

Mateo 13:51

Tsomba Jesús tisema shondosundeccuma iñajampaña: —¿Poiyi'cco va condase'choma ti qui paña'fa? Tise'paja su'fa: —Ju, Na'su.

Marcos 4:34

A'tatsse afambeyi condase'choi'ccuyi tsu atesian. Tsa'ma tisema shondosundeccui'ccu tisuyi can'jemba pa'tssima a'tatsse conda.

Juan 16:25

Condase'choi'ccu gi vama que'inga conda. Tsa'ma jai'ngaeja condase'choi'ccu condaseya'bipa gi a'tatssia've Yaya Chiga Quitsane condaya.

Juan 16:29

Tsa'caen susi ingija su'fa: —Unjun. Ja'ño qui condase'choi'ccu afambipa tansintsse conda.

Juan 6:52

Tsonsi israendeccuja tisupapora afaccoye ashaen'fa qquen supa: —¿Ma'caen tsu tiseja tisu ai'voma inginga o'fiaña?

Juan 6:60

Tsa'caen atesian'jensi pañamba majan Jesúsma shondosundeccuja su'fa: —Aiye'pa tsu tise su'choja. ¿Ma'caen pañamba in'jaña?

Juan 7:36

¿Jongoesu qquen tsu suye in'jan tise qquen su'chota: “Que'ija ñama tta'tta'ma atte'faya'bi qui. Nane jiye osha'faya'bi qui ña can'jeñani.”?

Juan 8:27

Jesús tsa'caen susi tise'paja paña'ma atesu'fambi Jesús Chiga Quitsane afa'choma.

Juan 8:43

¿Micomba qui ña su'choma ñotsse paña'fambi? Nane ña su'choma pañañe in'jambipa qui paña'fambi.

1 Corinto'su 2:14

Chigave in'jambindeqquiaja Chiga Qquendya'pa a'ima in'jan'choma pañaña'bipa “injiengembitssia tsu” qquen tsu in'jan'fa. Chiga in'jan'choma Chiga Qquendya'pai'ccu injanchosi tise'paja tsama pañañe osha'fambi.

2 Pedro 2:22

Tsendeccu tsu aindeccu suqquia'caen tson'fa: “Ainjan a'jupa toeveyi aña.” Toya'caen: “Cochija onjoen'ni'qque toequi tssipaccunga onjoña.”

1 Juan 5:20

Toya'caen gi atesu'fa Chiga Dutssi'ye tayo ji'choma. Tsa tsu ingima in'jaen ñoa'me Chigama atesuye. Ingija fae'ngae jincho'fa ñoa'me Chigai'ccu. Toya'caen gi fae'ngae jincho'fa Tise Dutssi'ye Jesuscristoi'ccu. Tsaja ñoa'me Chigayi. Tsai'ccu fae'ngae jincho'ta tsangae canseya'cho tsu.