Juan 10:20 - Cofán: Chiga Tevaen'jen

²⁰ Tsain'bio tsendeccu'su majandeccuja su'fa: —¿Jongoesie qui tisema paña'fa, cocoyama an'biamba sumbie dapa su'je'nijan?

Juan 10:20 Iomraidhean Croise

Isaías 53:8

Tiseja ño'a'ma egae tsincon qquen supa me'i'on tsu majan tisene afapa fuiteya'chove. Majañi'qque tise naniña'chove in'jan'fambi. Nane va ande'ye tisema itsapa ña ande'su aindeccu pañambipa egae tsinconsi tsane tisema fi'tti'fa.

Mateo 10:25

Tsa'ma atesian'su vanaqquia'caen tsu shondo'su'qque vanaña'cho. Na'su vanaqquia'caen tsu sema'su'qque vanaña'cho. Nane ña gi tsa'o na'su. Ñama “Cocoya na'su Beelzebú tsu” qquen afasepa ña aindeccuma'qque ti'tsse tsu tsa'caen afase'faya.

Mateo 11:18

Feti'su Juan jipa aña'choma ambipa asettu. Tse'tse'pama'qque cu'imbi. Tsa'ma que'ija su'fa: “Tsaja cocoya ca'ni'cho.”

Mateo 9:34

Tsa'ma fariseondeccuja su'fa: Cocoya na'su tisema fuitesi tsu cocoyama joqquitssian.

Marcos 3:21

Tsa'caen tson'jen'ni Jesús antiandeccu osha'choma pañamba tisema angaye ji'fa, sumbie da qquen supa.

Juan 7:20

A'ija su'fa: —Cocoya ca'ni'cho qui. ¿Majan tsu quema fi'ttiye in'jan?

Juan 8:52

Tsonsi israendeccuja su'fa: —Ja'ño gi in'jan'fa cocoyama qui an'bian. Abraham, poiyi'cco Chiga Aya'fama afasundeccu'qque pa'fa. Tsa'ma queja su: “Majan ña su'choma paña'da minga'ni'qque pa'faya'bi.”

Tson'fa'cho 26:24

Pablo tsa'caen tisune condasesi Festoja quia'me fundondo'e afapa su: —Pablo, ¿sumbie ti qui da'je? Panshaen tsain'bitsse atesupa qui sumbie da.