Juan 1:19 - Cofán: Chiga Tevaen'jen

¹⁹ Jerusaléni'su israendeccuja a'ima Juanga mandamoen'fa. Chigama afa'su nasundeccu, Chiga etti'suma semasundeccu'qque japa: “¿Majan qui queja?” qquen iñajampaña'fasi

Juan 1:19 Iomraidhean Croise

Juan 1:7

Juanjan condaseye ji chanjien'sune. Qquen tsu condaseye ji cuintsu poiyi'cco a'i tise su'choma pañamba chanjien'suve in'jan'faye.

Juan 10:24

israendeccuja tisema shoquendi ttupa iñajampaña'fa: —¿Min'ge'e qui ingima qqueña qquen tsincon? Queja ñoa'me Cristo'ta, junde ñotsse tansintsse condaja.

Juan 10:31

Tse'i israendeccuja ccase patuma isu'fa tisema ttovaye.

Juan 11:19

Tsain'bitssia israendeccu Marta, Maríama can'su ji'je'fa, tise quinshi pa'chone fae'ngae ñombi'yepa fuiteye.

Juan 2:18

Tsa'caen tsonsi israendeccuja Jesúsma iñajampaña'fa: —¿Jongoesuma qui canjaeña majan quema mandasi jova'caen tsincon'chove ingi atesuye?

Juan 2:20

Tsa'ma israendeccuja su'fa: —Cuarenta y seis canqque'fanga va Chiga ettima tsao'ña'choanda ¿ma'caen qui queja tres a'tangae ccutsiaña?

Juan 5:10

Tsa'cansi israendeccuja pajipa ccusha'choma su'fa: —Ja'ñonda tsu sema'ma'qquia a'ta. ¿Jongoesie qui ana'jen'choma angaji?

Juan 5:15

Tsonsi japa israendeccunga conda tisema ccushaen'suja Jesús.

Juan 5:16

Tsa'caen pañamba israendeccuja Jesúsma noñangiamba fi'ttiye in'jan'fa tise tsa'caen sema'ma'qquia a'ta tsinconsi.

Juan 5:18

Tsa'caen susi ti'tsse'tsse tsu israendeccuja tta'tta'fa ma'caen Jesúsma fi'ttiya'chove. Nane Jesús tise'pa sema'ma'qquia a'ta se'pi'choma catisi israendeccuja tisema fi'ttiye in'jan'fa. Ja'ño Chigaja tise Yaya qquen supa tsu tisuma Chigai'ccu fae'ngatsse tson. Tsa'caen tsonsi ti'tsse tisema fi'ttiye in'jan'fa.

Juan 6:41

Jesús: “Ña gi Chiga sefaccone ande'cho pan” qquen susi pañamba israendeccuja tise su'choma in'jambipa afaseye ashaen'fa.

Juan 6:52

Tsonsi israendeccuja tisupapora afaccoye ashaen'fa qquen supa: —¿Ma'caen tsu tiseja tisu ai'voma inginga o'fiaña?

Juan 7:1

Tsomba tse'i Jesúsja Galileani jacan. Nane Judea'su israendeccu tisema fi'ttiye in'jan'fasi Judeani jacañe in'jambi.

Juan 7:11

Israendeccuja fiestanga tise've tta'ttapa su'fa: —¿Mani tsu tsa a'ija can'jen?

Juan 7:15

Israe nasundeccuja can'boemba su'fa: —¿Ma'caen tsu va a'ija osha'choma atesucho, ingi Chiga Aya'fa escoeranga ca'nimbe'ta?

Juan 8:22

Tsonsi israendeccuja su'fa: —¿Isha tsu tisuyija paya? Tsa'camba tsu su tise ja'nijan jaye osha'faya'bi.

Juan 8:48

Tsonsi israendeccuja su'fa: —Ñotsse gi su'fa queja samaritanomba qui cocoyama an'bian.

Juan 8:52

Tsonsi israendeccuja su'fa: —Ja'ño gi in'jan'fa cocoyama qui an'bian. Abraham, poiyi'cco Chiga Aya'fama afasundeccu'qque pa'fa. Tsa'ma queja su: “Majan ña su'choma paña'da minga'ni'qque pa'faya'bi.”

Juan 8:57

Tsonsi israendeccuja Jesúsma su'fa: —¿Toya cincuenta canqque'fave an'biancan qui Abrahamma atte qquenjan suya?

Tson'fa'cho 13:25

Juan, tisu paya'cho napiji'ni afapa su: “Ñajan que'i in'janqquia'caen tsa Chiga in'jan'cho Cristombi gi. Ñama omboe tsu tsaja jiye tson'jen. Nane ñajan utu'ccoapa gi shaca tise sapatoma uga'choma ccupa'suve ca'niñe.”

Tson'fa'cho 19:4

Tsa'caen su'fasi pañamba Pabloja su: —Juan feti'chota tsu a'i tisupa egae tsincon'choma catiye in'jansi feti'cho. Tsa'ma toya'caen tsu Juanjan poiyi'cconga conda tisema omboe jiya'chove tsu ñoa'me in'jaña'cho. Nane tsaja Jesucristo tsu.

1 Juan 1:5

Jesucristo qquen susi pañamba gi que'inga condase'fa: Chiga Quitsaja ño'a a'tatssia. Tisenijan me'i'on tsu ega sinttia've.