Juan 1:14 - Cofán: Chiga Tevaen'jen

¹⁴ Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

Juan 1:14 Iomraidhean Croise

Salmos 2:7

Tsa ñama ttuse'su Na'su su'choma gi condaya: Nane tiseja ñama su: “Que qui ña dutssi'ye; ja'ño gi quema atte.

Salmos 45:2

Queja poi tsandiendeccuma ti'tsse ñocca'tssia. Osha'cho ñotssiayi tsu que aya'fa'ye sombo'je. Tsa'cansi Na'su Chigaja tsangae quema ñotsse in'jamba tson'jen.

Isaías 40:5

Tsonsi Na'su Chiga tise ñotssiama canjaensi tsu poi aindeccu fae'ngae tsama atte'faya. Na'suyi tsu tsa'caen conda.”

Isaías 53:2

Nane Na'suja in'jan cuintsu tisema shondo'su jonqquia'caen santssia ande'ye sho'yoye. Ñotsse attiambi ingi tise've in'jan'faye. Ñotssimbi ingi tisenga catse'faye.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Mateo 1:16

Jacobja José quitsa tsu. José tsu Maríama pushe. Maríaja Jesús mama tsu. Jesúsja Cristo tsu.

Lucas 2:11

Ja'ño a'ta tsu David canqqueni que'ima ccushaen'suve isu. Tsaja Na'su Cristo tsu.

Lucas 2:7

A'i ana'jen'cho tsa'o panshaen on'basi vaura ettini can'jemba Maríaja tseni tise aishe tsandie du'shuma isu. Isupa sarupai'ccu findipa vaura an'jen'cho cafonga ppiña.

Lucas 9:32

Pedro, tisei'ccu fae'ngae can'jensundeccu'qque anae'supa anae'su'je'ttie qquendyapa Jesús ñotssia a'tatssia've da'choma atte'fa. Jesúsi'ccu fae'ngae ccutsusundeccuma'qque atte'fa.

Juan 1:1

Me'ttia'ye Chiga Aya'faja jin. Chiga Aya'faja Chigai'ccu can'jemba Chiga tsu.

Juan 11:40

Tsa'ma Jesúsja su: —¿Minga gi su'a: “In'jan'da qui atteya Chigaja ti'tsse'tssiave.”?

Juan 14:6

Jesúsja Tomásnga su: —Ña'ñe qui qque'faya'bi. Ña'ñe qui tansintsse atesu'faya. Ña'ñe qui ñoa'me canse'faya. Tsa'ma majan ñama pañambi'ta Chiga Quitsanga catse'faya'bi.

Juan 14:9

Jesúsja tisema su: —Felipe, va pa'tsse que'i'ccu can'jen'ma ¿toya ti qui ñama atesumbi? Majan ñama atte'ta Chiga Quitsama'qque tsu atte'fa. ¿Ma'caen qui ja'ñojan su: “Chiga Quitsama inginga attianjan.”?

Juan 17:22

Tise'pama gi ti'tsse'tssia've tson que ñama ti'tsse'tssia've tsonqquia'caen, cuintsu ña quei'ccu jinchoqquia'caen tise'pa'qque tisupanaccu fae'ngae jincho'faye.

Juan 17:24

Yaya, va ande meinte queja ñama in'jamba ñama ti'tsse'tssia've tson. In'jan gi cuintsu que in'jaensi ñame in'jan'chondeccu'qque ñai'ccu ña can'jeñani can'jemba que ñama ti'tsse'tssia've tson'choma atte'faye.

Juan 18:37

Tsa'caen susi Pilatoja su: —¿Tsuin'da que ti qui ñoa'me na'su? Jesúsja su: —Que suqquia'caen, ña gi na'su. Tsaneñi isu'fa'cho gi. Nane va andenga gi ji ñoa'me su'choma a'inga atesiañe. Majan a'i ñoa'me su'choma pañamba tson'da ñama tsu paña'fa.

Juan 2:11

Tsa'caen tsu Galilea'su Canáni Jesúsja me'ttia'ye canjaen tise osha'choma oshacho'choan. Ingi tisema shondosundeccu'qque attepa gi Tise've in'jan'fa.

Juan 3:16

Nane Chigaja va andeni'su a'ima tsain'bitsse in'jamba Tise Dutssi'ye fae'ccoama a'inga afemoen cuintsu poiyi'cco majan tise've in'jan'chota catiyembe'yi Chigai'ccu tsangae canse'faye.

Juan 3:18

Majan Chiga Dutssi'yeve in'jan'ninda Chigaja tise injama'choma somboeña'bi tsu. Tsa'ma majan Chiga Dutssi'ye fae'ccoama chi'gapa in'jambian'da tayo tsu tise injama'choma somboen.

Juan 6:51

Ñañi gi va sefaccone ande'cho cansiaña'cho panjan. Majan tsa panma an'da tsangae tsu canse'faya. Ña ai'vo tsu ña afe'cho panjan. Tsama gi afeya cuintsu poiyi'cco a'i canse'faye.

Juan 8:32

Ñoa'me su'choma qui atesu'faya. Tsa'caen atesupa qui ñoa'me ccusha'faya.

Tson'fa'cho 13:33

ja'ñojan ingi tise'pa dutssiyendeccunga canjan'jen, Jesúsma pa'cho'ye ccase qquendyaemba. Tsane tsu qquen Salmo settapoen'cho tevaen'jen dosnga tevaen: “Que qui ña Dutssi'ye. Ja'ño gi atte.”

Romanos 8:3

Nane ingi ai'vo in'jan'cho ñotssia manda'cho in'jaen'choma patsusi Chiga manda'choja ingima ccushaeñe oshambi. Oshambisi Chigaja ingima ccushaen. Nane Chigaja Tise Dutssi'yema moen cuintsu ingia'caen egae tsinconqque'su ai'vove dapa papa egae tsincon'choma patsuye. Jesúsja tsa'caen tise ai'voi'ccu egae tsincon'choma patsu

Romanos 9:5

Israendeccuja tayopi'su joccapitssia coenzandeccumbe dushundeccu tsu. Tsendeccune tsu Cristoja ji. Nane a'ive dasi israe a'i isu'cho tsu. Cristoja Chiga tsu, osha'choma joccapitssia. Tsangae Tisema ñotsse afa'faja. Tsangaeyi.

1 Corinto'su 15:47

Tseyi agattoen'cho a'ija va ande'su tsu. Va andema ñoña'cho tsu. Tsa'ma omba'su a'ija sefacconi'su –ingi Na'su tsu.

2 Corinto'su 12:9

Tsa'ma Na'suja ñama su: “Naniña tsu Ña quei'ccu can'jensi. A'i vana'jensi gi ñoa'me tisema fuiteye osha.” Na'su qquen susi gi vana'je'an'qque avujatsse afa'je. Nane vana'jemba gi avujatsse afa'je cuintsu Cristo ñai'ccu can'jemba ti'tsse ñama fuiteye.

Galacia'su 4:4

Tsa'ma tseyi Tise in'jan'cho a'ta napijisi Chigaja Tise Dutssi'yema va andenga moen. Israe'su pushesu isusi tsu israe'suve da. Cca'i israendeqquia'caen tise'qque manda'choma pañamba canseye ji.

Efeso'su 3:8

Ñajan poiyi'cco Jesúsve in'jan'chondeccuma utu'ccoa. Cristo an'biamba inginga afeya'choja ñoa'me ti'tsse'tssiasi gi in'jañe osha'fambi injama'cho shacasi. Tsa'ma ñajan utu'ccoasi Chigaja ñama in'jamba antte cuintsu ñajan israembindeqquianga va joccapitssia Jesucristone condase'choma candusiañe.

Colosa'su 1:19

Chigaja in'jamba osha'cho Tisu jincho Jesúsnga ca'nimba canse.

Colosa'su 2:3

Cristove in'jamba qui osha'cho ñotssia in'jan'choma, osha'cho Chiga in'janqque'suma'qque atesu'faya.

Colosa'su 2:9

Pa'cco osha'cho Chiga jincho tsu Jesús ai'voni ca'nimba canse. Toya'caen

1 Timoteoga 3:16

Ingi tayoe condambi'choa Chigave in'jan'choja ñoa'me joccapitssia in'jan'cho tsu. Majañi'qque tsama a'tieñe osha'fambi: Chigaja a'ive dapa attian. Chiga Qquendya'pa Tise ño'ama canjaensi sefacconi'su shondosundeccu'qque Tisema attepa shondo'fa. Tisene candusian'fasi israembindeqquia'qque paña'fa. Nane tsa'caen candusian'fasi poi ande'su aindeccu Tise've in'jan'fa. Tiseja sefacconi ansundepa ñoa'me ti'tsse'tssia've dapa can'jen.

Hebreo'su 1:3

Dutssi'yeja tsa'caen an'biamba tise joccapitssia aya'fai'ccu tsu osha'choma tansintsse manda'je. Chigaja a'tatssipa joccapitssiasi tise'qque tsa'caen joccapitssia tsu. Ma'caen Chiga jincho'nijan tise'qque tsa'caeñi tsu jincho. A'i egae tsincon'chone ccushaeña'choma nanimba tsu tiseja Chiga sefacconi ansundepa Chiga tansinfanga dyaipa Chigai'ccu manda'je.

Hebreo'su 1:5

Nane Chigaja Tisema sefacconi'su shondosundeccuma qquen afambipa Dutssi'yema tsu afa: Que qui ña Dutssi'ye. Ja'ño gi quema atte. Toya'caen Tisema sefacconi'su shondosundeccuma qquen afambi: Ña gi tise yaya. Tiseja ña Dutssi'ye tsu.

Hebreo'su 10:5

Tsa'caen oshambisi tsu Na'su Cristoja ca'tsa a'ive daye tson'jemba Chiga Quitsanga su: A'i osha'choma fi'ttipa afe'choma Quenga afeye qui ja'ñojan in'jaña'bi. Tsa'ma ñama qui manda a'ive dapa tisuma afeye.

Hebreo'su 2:11

Nane Jesúsja ingima ccushaemba ño'ame tson'su tsu. Ingija ccushapa ño'ame da'chondeccu gi. Jesucristoi'ccu gi fae yaya'su'fa. Chiga Quitsa ingi yayasi Chiga Dutssi'yeja ansangembi tsu ingima afaye: “Ña quinshingendeccu.”

Hebreo'su 5:5

Tsa'caeñi Cristo'qque tisuma joccapitssia've ccutsiambi Chigama afa'su na'suve daye. Tsa'ma Chiga Quitsa tsu tisema na'suve ccutsiamba qquen su: Que qui ña Dutssi'ye. Ja'ño gi quema atte.

1 Juan 4:14

Attepa gi faesunga conda'fa ma'caen Chiga Quitsa Tise Dutssi'yema moen'choma poi ande'su aindeccuma ccushaen'suve.

1 Juan 4:9

Qquen tsu Chigaja Tise ingima ñotsse in'jan'choma canjaen: Tise Dutssi'yema va andeni moen cuintsu ingima ccushaensi tsangae canse'faye.

2 Juan 1:7

Tsain'bio afopoensundeccu tsu poi andeni jacan'fa. Tsendeccuja Jesucristo tayo a'ive dapa ji'choma tsu a'tien'fa. Majan tsa'caen afa'suta tsu ñoa'me afopa'cho: ñoa'me Cristoi'ccu iyicco'su tsu.

Canjaen'cho 19:13

Tise oppoencho'cho sarupaja anjampai'ccu onjoen'cho. Tisema inisian'choja “Chiga Aya'fa.”

Canjaen'cho 21:3

Tsa'caen andesi Na'su dyaine aya'fa quia'me afasi gi qquen paña: —Ja'ño tsu Chiga Quitsaja aindeccui'ccu can'jeña. Tse'tti tsu Tise can'jeña'tti. Aindeccu Tise a'ive dasi Tiseja fae'ngae can'jensi aindeccuja Tise'veyi in'jan'faya.