Josué 8:1 - Cofán: Chiga Tevaen'jen

¹ Tsonsi Na'su Chigaja Josuénga su: “Dyombe canjan ni ñoquimbijama. Poiyi'cco que sundarondeccuma angapa Hai canqque'su aindeccui'ccu iyicco'faja. Nane tayo gi Hai canqque'su na'suma patsupa quenga afe; toya'caen tise aindeccu, tise canqque, tise andema'qque.

Josué 8:1 Iomraidhean Croise

Salmos 44:3

Ingi yayandeccuja tise'pa tive ni tise'pa sundaro matichi'ccu tsa andema gana'fambi. Tsa'ma que qui tisu quin'ama canjaemba que tivei'ccu patsu. Queja ingi yayandeccuma ñotsse in'jamba tisuma a'tatsse canjaemba ccushaen cuintsu patsu'faye.

Daniel 2:21

Tsayi tsu canqque'fa, ccovu, a'ta, cose, coejefa, sanfane'qque cambiamba na'suma somboemba ca'niañe'qque osha. Atesu'chondeccunga tsu atesuqque'suma afe. Toya'caen injama'pandeccunga tsu ti'tsse in'jan'faya'chove afe.

Daniel 4:25

Nane Que, Ti'tsse'tssia qui aindeccu'ye joqquitssipa aiña'chondeccui'ccu canseya. Vaura'caen qui shoshovima amba canseya. Toya'caen que ai'vonga tsu suruno shequepa tssipoen'jeña. Tsa'caen qui siete canqque'fave canseya. Nane Joccapitssia Chiga tsu va ande'su nasundeccuma ma'caen tsoñe oshachopa tsayi majama na'suve tsoñe in'jan'da tsama na'suve tson'su qquen in'jaña'ngae qui tsa'caen canseya.

Daniel 4:35

Va ande'su a'i majan tisia'can'me me'i'on tsu. Tise tsu tson'jen ma'caen tisu in'janqquia'caen, sefacconima, toya'caen andenima'qque. Nane majañi'qque, ti'tsse'tssia qquen in'jamba, tise oshacho'chone toya'caen tise in'jamba ma'caen tson'chone– ¿Jongoesie qui tson? ¿Ma'caen qui tson? –qquen iñajampañaña'chove me'i'on tsu.

Mateo 8:26

Tsonsi Jesús su: —¿Jongoesie qui ñame in'jambipa dyo'fa? Qquen supa jangi ccutsupa fingiama iyu'usi vuiqui. Shave'pama'qque iyu'usi ñoa'me ppimppianccuve da.

Deuteronomio 31:8

Na'su que Chigaja quema o'tie japa quei'ccu can'jeña. Tiseja quema catiya'bi ni chi'gaya'bi. Tsa'cansi dyojama ni injansejama.”

Josué 1:9

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Josué 2:24

Qquen tsu su'fa: “Ñoa'me tsu Na'suja pa'cco andema inginga afe. Poiyi'cco a'i tsu ingima dyopa canse'fa.”

Josué 6:2

Tsa'cansi Na'suja Josuéma su: “¡Que canjan! Tayo gi Jericóma patsupa que'inga afe. Nane tsa canqque na'su toya'caen poiyi'cco sundarondeccuma'qque gi que'inga afe.

Josué 7:9

Nane cananeondeccu, cca'i va andeni can'jensundeccu'qque vama pañamba ingima shoquendi ttupa sefaen'faya. Tsa'caen tson'fa'ninda ¿jongoesuya tsu que inise ti'tsse'tssiata?