Josué 7:7 - Cofán: Chiga Tevaen'jen

⁷ Tsa'caen tsomba Josuéja su: —Na'su, Chiga Osha'choma Oshacho, ¿jongoesie qui va aindeccuma Jordán na'ema isiamba afe amorreondeccunga cuintsu ingima sefaen'faye? Nane toya jonifani can'jen'choecan'da gi avujatsse opatsse can'jen'faye'can.

Josué 7:7 Iomraidhean Croise

Éxodo 16:3

qquen supa: —Ma'caen'qque Na'su Chiga ingima Egiptone somboembiecan'da gi tseni pa'faye'can. Tseninda gi aña'cho api'ccu pporotsse dyaipa tteppu'tsse an'jen'fa. Tsa'ma que'ija va a'i menianga i'fa ingi poiyi'ccoma qquipoe'sian fi'ttiye.

Éxodo 17:3

Tsa'ma aindeccuja tsaqquie'supa Moisésma afase'fa qquen supa: —¿Jongoesie qui ingima Egiptone somboen? ¿Aqquia ingima tsaqquie'sian fi'ttiye ti qui somboen, toya'caen ingi dushundeccu, ingi aiña'choi'ccu fae'ngae?

Números 14:16

‘Na'su Chigaja tise afeye su'cho andema tise'panga afeye oshambipa injanga a'i menia israendeccuma fitti'tti.’

Números 14:3

¿Jongoesie tsu Na'su Chigaja va andeni ingima i? ¿Geraemba vani ingi pasi cuintsu ingi'ccu iyiccosundeccu ingi pushendeccu, ingi dushundeccuma'qque itsa'faye ti ingima i? ¡Nane bove ñotssi tsu toequi Egiptoni jaye!”

Mateo 17:17

Qquen iñajansi Jesúsja su: —Que'i ja'ño'su aindeccuja tansintsse Chigave in'jambipa ccaningae qui in'jan'fa. ¿Min'ge'e gi tsuin'da quei'ccu can'jemba angacaña? I'ngaja du'shuma.

Mateo 17:20

Jesúsja su: —Que'ija toya ñame ñoa'me in'jan'fambi. Nane ñame aqquia re'riccoe in'jan'da ñoa'me osha'choma qui osha'faya. Mostasa cho ñoa'me'qque chipiri tsu. Que in'jan'choja tsa'caen chipirisi va rande ccotta'ccoma “Joqquitssipa cca'ttinga japa ccutsuja” qquen mandasi tsa'caen tsu jaya. Que'i tsa'caen ñame in'jamba nane osha'choma qui osha'faya.

Hebreo'su 12:5

¿Aqque'pa'fa ti qui Na'su Chiga que'inga qquen su'chomajan? Que'ija Tise dushundeccusi tsu qquen su: Ña dutssi'ye, quema Na'su nafattiansi Tise su'choma chi'gajama. Que'ima iyu'u'ni'qque ñoquimbi'fajama.

Josué 7:6

Tsama pañamba Josuéja iyicca'yepa tisu ñombi'ye'choma canjaeñe in'jamba tisu ondiccu'jema chi'ttapa Chiga a'i'ccu injancco'fa'cho cafonga catsepa camba'jui'ccu andenga puntssan ccui. Nane cose'tsse tsu tsa'caen puntssan ccui. Israe'su coenzandeccu'qque tsa'caen tsomba ande'su totopa'ma tisupa tsovenga ganga'fa.

Josué 7:8

Na'su, israendeccu tsa'caen patsuye'fa'ninda ¿jongoe qquen gi suya?