Josué 7:6 - Cofán: Chiga Tevaen'jen

⁶ Tsama pañamba Josuéja iyicca'yepa tisu ñombi'ye'choma canjaeñe in'jamba tisu ondiccu'jema chi'ttapa Chiga a'i'ccu injancco'fa'cho cafonga catsepa camba'jui'ccu andenga puntssan ccui. Nane cose'tsse tsu tsa'caen puntssan ccui. Israe'su coenzandeccu'qque tsa'caen tsomba ande'su totopa'ma tisupa tsovenga ganga'fa.

Josué 7:6 Iomraidhean Croise

Génesis 37:29

Tsa'caen tson'fa'chove atesumbipa Rubénjan toequi posoni jipa Joséve attembipa tise ondiccu'jema chitta tisu ñombi'ye'choma canjaeñe.

Génesis 37:34

Tsa'caen supa Jacobja tisu ondiccu'jema chittapa pasi ñombi'ye'choma canjaenqque'su ondiccu'jema ondiccu. Tsa'caen ondiccupa tsain'bio a'ta tise dutssi'ye pa'chone inambani canse.

2 Samuel 12:16

Pajisi Davidja tisene Chigama iñajan. Nane ambitsse tise tsaoni ca'nimba andeni ccui a'ta'je poi cose.

2 Reyes 22:11

Chiga Tevaen'jen manda'choma pañamba na'suja tise ondiccu'jema chitta, ñombi'ye'choma canjaeñe.

Nehemías 9:1

Omboe, tsa ccovu'su a'ta veinte y cuatroqui, poi israendeccu ccase bo'fa. Bopa ambe'yi tisupa egae tsincon'chone ñombi'ye'choma canjaeñe in'jamba tsincco'cco'je'cco'a sarupa ondiccu'jema ondiccupa ande ccuttopa'sima tisu tsovenga ganga'fa.

Job 1:20

Tsonsi Jobja jangipa tisu ñombi'ye'choma canjaeñe tise ondiccu'jema chitta ttova. Tsomba pa'cco tise tosema'qque fuchha catipa andenga puntssan dyaipa Chigama iñajamba

Job 2:12

Jipa biaccayi Jobma can'boen ccutsu'fa. Nane Jobnga qquepa can'boemba fundopa i'na'fa. Tsa'caen ñombi'yepa tise'pa ondiccu'jema chitta ttovapa andema'qque sefaningae pa'fu ganga'fa. Toya'caen tsovenga'qque andema ovivi'fa.

Job 42:6

ña egae in'jan'choma catipa tisuma'qque chi'gapa cusepa ccuttopa'singa onjomba dyai ña ñombi'ye'choma canjaeñe.

Números 14:6

Toya'caen Josué, Caleb'qque fae'ngae andema cañe jacansundeccupa tisupa ñombi'ye'choma canjaeñe in'jamba ondiccu'jema chi'ttapa

Números 16:22

Tsa'ma Moisés Aarón'qque andenga puntssan ccuipa qquen su'fa: —Chiga Quitsa, que qui poi aindeccuma cansian'su. ¿Tsa'caen ti qui fae a'i egae tsincon'chone poi aindeccuma iyicca'yeya?

Números 16:45

—¡Joqquitssi'faja va aindeccu'ye! ¡Junde gi tise'pama fi'ttiye tson'jen! Tsama pañamba Moisés toya'caen Aarón andenga puntssan ccuipa

Tson'fa'cho 14:14

Tsa'caen tson'jen'fasi Jesúsne afasundeccu Bernabé, Pablo'qque a'i in'jan'choma attepa tisupa ondiccu'jema chitta'fa. Tsa'caen tsu tson'fa a'i in'jan'choma se'pi'chove canjaeñe. Tsomba a'inga butto catsepa quia'me afa'fa:

Josué 7:7

Tsa'caen tsomba Josuéja su: —Na'su, Chiga Osha'choma Oshacho, ¿jongoesie qui va aindeccuma Jordán na'ema isiamba afe amorreondeccunga cuintsu ingima sefaen'faye? Nane toya jonifani can'jen'choecan'da gi avujatsse opatsse can'jen'faye'can.

Canjaen'cho 18:19

Ñombi'ye'choma canjaeñe in'jamba ande'su ccuttopa'sima tise'pa tsovenga ttovapa i'na'faya. I'namba attuse'jepa su'faya: ¡Ay, va'cha tsu tsa ti'tsse'tssia canqque! Poiyi'cco marni'su shavo nasundeccu tiseni japa tise corifin'di'ccu ricove da'fa. Tsa'ma tse'faei'ccuyi fae a'ta tiseja pa'tssima qqueña.