Josué 7:2 - Cofán: Chiga Tevaen'jen

² Josuéja Acán tson'choma atesumbipa injanga majan aindeccuma manda moe cuintsu Jericóne sombopa Hai canqqueni japa a'tutsse can'ga'faye. Hai canqque tsu Bet-avén jin'tti Betel canqquema chiga sombo'jefani. Mandasi aindeccuja japa Hai canqquema a'tutsse can'ga'fa.

Josué 7:2 Iomraidhean Croise

Génesis 12:8

Omboe tsene sombopa Betel canqquema chiga sombo'jefa'su ccotta'cconga japa tise carpama ccutsian. Tseni can'jen'ninda tsu Betel canqqueja chiga amppi'jefani. Toya'caen chiga sombo'jefani tsu Hai canqque. Abram tseni can'jemba faesu Chiganga afeye oque'je'chove ccutsian Na'su Chigama iñajañe.

Génesis 28:19

Tse'ttija tayopi'su canqque jin, Luz qquen inisecho'cho. Tsa'ma Jacobja tsa inisema cambiamba Betel qquen inisian.

1 Reyes 12:29

Tsa'caen supa tsu fae'ccoma ccutsian Betelni; toya'caen faesumajan Dan canqqueni.

Mateo 10:16

Que canjan, opa ovejama mandamoenqquia'caen gi que'ima ega aindeccunga moeñe tson'jen. Tsendeccuja putsa'su ain'caen que'ima noñangian'faya. Noñangia'nijan iyo injama'pa'caen ñotsse in'jan'faja. Ppuppuju'cho egave atesumbiqquia'caen can'jen'faja.

Efeso'su 5:15

Tsa'cansi ñotsse in'jamba canse'faja. Injamambia'caen canse'fajama. Tsa'ma injama'pa'caen canse'faja.

Josué 2:1

Tsa'caen conda nanimba Josuéja Sitim canqqueni can'jemba a'tutsse moe dos a'i cuintsu a'tutsse japa atte'faye. Moe'jemba qquen su: “Japa andema camba Jericó canqquema'qque ñotsse can'faja.” Tsa'caen mandasi Jericóni japa tsa'oma afe'su Rahab tsaoni ca'nimba can'jen'fa.

Josué 7:3

Can'gapa jipa Josuénga qquen conda'fa: “Poiyi'cco sundarondeccu jambi'ma aqquia dos tsambi'ta tres mil tsu Hai canqquema patsu'faya. Poiyi'ccoma moembecanjan, tsa canqque'su ingi'ccu iyiccoya'chondeccuja re'ricco'fa tsu.”