Josué 7:12 - Cofán: Chiga Tevaen'jen

¹² Tsa'camba tsu israendeccuja tise'pai'ccu iyiccosundeccui'ccu cambajunaccu ccutsupa iyiccoye osha'fambi. Nane israendeccuja tisupa shacaemba tsa'caen tisupa sefaya'chove tson'da tsu ja'ñojan dyopa ccuya'je'faya'cho. Toya'caen ña sefaeña'cho manda'choma que'i uta'tsse sefaembian'da gi ñajan que'i'ccu ti'tsse can'jeña'bi.

Josué 7:12 Iomraidhean Croise

Isaías 59:2

Tsa'ma que'i egae tsincon'choi'ccu qui ttuccuma ccutsian'fa. Enttingeni ccutsiamba qui Chiganga catseye osha'fambi. Nane que'i in'jangae canse'fasi Tiseja tisu camba'juma picco que'i tisema attesa'ne; toya'caen tise que'ima pañasa'ne.

Números 14:39

Na'su Chiga Moisésnga su'choma israendeccunga condasesi poiyi'cco ñoa'me ñombi'ye'fa.

Números 14:42

Jambe can'faja. Na'su Chigaja que'i'ccu can'jembi. Que'i'ccu iyiccosundeccu tsu ai'yembitsse que'ima patsu'faya.

Números 14:43

Nane tayo tsu ronda'je'fa amalecitandeccu, cananeondeccu'qque que'i'ccu iyiccopa que'ima fitti'ttiye. Ñoa'me gi su tayo qui Na'su Chigama catisi tise'qque que'ima catipa ja'ñojan que'i'ccu jacambi.

Números 14:45

Tsa'caen ja'fasi amalecitandeccu, cananeondeccu'qque tsa andeni can'jensundeccupa israendeccui'ccu iyiccoye sombo'fa. Tsa'caen sombopa Hormani ne'pitsse israendeccuma fitti'ñacca anga moe'fa.

Josué 6:18

Tsa'ma tsa canqqueni jincho osha'choja Na'su Chigambesi tsama pporaenjama isupa tisuma dañosa'ne. Toya'caen majan tsa'caen tson'da qui Israel aindeccuma shacapave tsomba daño'faya.

Jueces 16:20

Dalilaja quian'me Sansónma fundo: —¡Sansón, injama'tse! ¡Filisteondeccu quema indiye ji'fa! Sansónjan qquendyapa in'jan: “Tayoe tsonqquia'caen tsomba tisuma ccushaeñe.” Tsa'ma atesumbi Na'su Chiga tisei'ccu can'jembi'choa've.

Jueces 2:14

Tsa'caen tson'fasi Na'su Chigaja tise'pama iyicca'yepa antte cuintsu ccanambandeccu jipa osha'choma cca'nasi tise'pa pporotsse canjen'su iyiccosundeccu'qque jisi oshambi'e dapa patsuye'faye.