Josué 5:2 - Cofán: Chiga Tevaen'jen

² Tsequi a'ta tsu Na'suja Josuéma qquen manda: “Mandaja cuintsu ccoimpama chhichhi'ccove ñoñamba ccase israe'su tsandiendeccumbe ttonoma chhiyitevaen'faye.”

Josué 5:2 Iomraidhean Croise

Romanos 2:29

Tsa'ma majan ñoa'me Chiga a'ita tise'pa injama'choi'ccu tsu Chigave in'jan'fa. Ñoa'me tevaemba canjaen'cho'qque injama'choni jincho tsu. Tivei'ccu chhiyitevaen'chombi tsu. Tsa'ma Chiga a'i injama'chonga ñoña'cho tsu. A'i injama'cho tsa'caen da'ni'qque cca'indeccuja atte'fambi. Tsa'ma Chigaja in'jamba tise'pama ñotsse afa.

Romanos 4:11

Chigaja “Abrahamjan ño'a” qquen supa tisema manda cuintsu tisu ttonoma tevaeñe tiseja tayo Chigave in'jan qquen canjaeñe. Tsa'camba tsu Abrahamjan poiyi'cco Chigave in'jan'chondeccumbe yaya. Nane ttonoma tevaembindeqquia'qque Chigave in'jan'da Abraham dushundeccuve tsu da'fa. Chigaja tsendeccuma'qque su “Que'ija ño'a'fa qui.”

Deuteronomio 30:6

Tise que'i'ccu injancco'fa'choma tsu que'i injama'chonga tevaemba que'i dutssiyendeccu injama'chonga'qque tevaeña cuintsu pa'cco injama'cho, pa'cco canse'pai'ccu tisema in'jan'faye. Tsa'caen in'jamba tsu ñotsse canse'faya.

Colosa'su 2:11

Toya'caen que'ija tisei'ccu jinchopa chhiyitevaen'cho a'ive qui da'fa. Nane a'i tivei'ccu ai'voma chhiyitevaen'chombi tsu. Tsa'ma que'i Cristo a'ive dasi Cristoja que'i tayo'su a'i in'jamba tsincon'choma chhiyicatiqquia'caen pa'ccoma joqquitssian.

Josué 5:3

Tsa'caen susi Josué mandasi ccoimpa chhichhi'ccove ñoñamba tsa Aralot ccotta'cconi israe'su tsandiendeccumbe ttonoma chhiyitevaen'fa.