Josué 4:3 - Cofán: Chiga Tevaen'jen

³ mandaja cuintsu Jordán na'en enttingeni japa Chigama afasundeccu ccutsu'ttima doce patuve isu'faye. Nane poiyi'cco tsu fae patuve isupa opipa jonifani angapa ccuiña'faya'cho que'i mani ja'ño cose anaña'ttinga.”

Josué 4:3 Iomraidhean Croise

Génesis 28:22

Va patuma ña jangian dyaiña'cho tsu Chiga tsa'oya. Toya'caen, Chiga, osha'cho que ñanga afe'cho'suma enttingeve fae chongayi'ccoveyi gi quenga afe'jeya.”

Salmos 103:2

Pa'cco ña canse'pai'ccu gi Na'suma ñotsse afaya. Ni fae'ccoeyi'qque tise ñanga ñotsse tson'jen'choma aqque'paya'bi gi.

Lucas 19:40

Tsa'ma Jesúsja su: —Ñoa'me gi su, tsendeccu ziya'ninda va tsaiqui'su patu'qque fundopa Chigama ñotsse afa'faya.

Josué 3:13

Nane Chigama afa'su, poi ande'su Na'su a'i'ccu injancco'fa'cho cafonma angasundeccu Jordán na'enga tsui ccutsu'ninda tsu na'en ai'je'choja pasapa tse'ttinga bo ccutsuya.”

Josué 4:4

Tsa'caen susi Josuéja tise attufaen'cho dose israe'su aindeccu'su tsandiendeccuma ttu'sepa

Josué 4:8

Josué tsa'caen susi israendeccuja tsa'caen tson'fa. Nane Na'su Josuénga condaqquia'caen Jordán enttingema doce patuve isu'choma tsa doce israe'su aindeccu tise'pa can'jeñani opipa anga'fa.