Josué 3:1 - Cofán: Chiga Tevaen'jen

¹ Ccaqui a'ta sinte'yi Josué, poiyi'cco israendeccui'ccu Sitim canqque'ye sombopa Jordán naeni ja'fa. Tseni can'jemba ñoña'fa tisupa iseya'chove.

Josué 3:1 Iomraidhean Croise

Génesis 21:14

Chiga tsa'caen susi ccaqui a'ta sinte'yi Abrahamjan panma Agarnga afepa ttono botiyanga'qque tsa'ccuma on'boemba tise opipa'chonga ottaen. Tsomba du'shui'ccu tisema joqquitssian moe tise tsa'o'ye. Tsa'caen joqquitssiangepa Agarja Beerseba'su a'i menia jacan. Mani jaya'chove atesumbipa injanga jacan.

Génesis 22:3

Ccaqui a'ta sinte'yi Abrahamjan jangipa tise boronga ñoñamba Chiga tisema conda'cho andeni ja. Tisei'ccu tsu dos tise'be semasundeccu, toya'caen tise dutssi'ye Isaac'qque ja'fa. Si'tsima'qque anga'fa Chiganga afe'choma oqueye.

Jeremías 26:5

ni ña aya'fama afasundeccu su'choma pañambi'ninda gi Silo'su ñama cachuicco'je'ttima nepianqquia'caen va Chiga ettima'qque nepiaña. Nane ña aya'fama afasundeccuma, fae'cco, fae'ccove moe'ñacca'ni'qque qui toya tise'pama paña'fambi. Toya'caen gi va canqquema egae tsoña cuintsu poi ande'su aindeccu ña iyicca'yepa tson'choma pañamba in'jan'faye.’ ”

Jeremías 7:13

Nane mi'nge'e iyu'ñacca'ni'qque qui ñama pañañe in'jambipa afa'fambi ni ña in'janqquia'caen tson'fambi. Ña Na'su gi tsa'caen su.

Números 25:1

Israendeccuja Sitimni can'jemba majan tsandiendeccuja Moab'su pushesundeccui'ccu egae tsincoñe ashaen'fa.

Marcos 1:35

Tsomba a'taningae, toya sinttia'ni Jesús jangipa ccani ja, a'i menia, Chigama iñajañe.

Josué 2:1

Tsa'caen conda nanimba Josuéja Sitim canqqueni can'jemba a'tutsse moe dos a'i cuintsu a'tutsse japa atte'faye. Moe'jemba qquen su: “Japa andema camba Jericó canqquema'qque ñotsse can'faja.” Tsa'caen mandasi Jericóni japa tsa'oma afe'su Rahab tsaoni ca'nimba can'jen'fa.

Josué 6:12

Ccaqui a'ta sinte'yi Josué jangisi Chigama afasundeccuja ccase Na'su Chiga a'i'ccu injancco'fa'cho cafonma opi'fa.

Josué 6:15

Tsomba septimo a'tave a'tasi sinte'yi jangipa jajapa siete se canqquema shoquendi'fa. Nane tayoe jacanqquia'caen jacan'ma tsequija siete se canqquema shoquendi'fa.

Josué 7:16

Ccaqui a'ta Josué mandasi poiyi'cco israendeccu tise'pa aindeccui'ccu canjaeñe bosi Na'su Chigaja Judá aindeccuma canjaen.

Josué 8:10

Ccaqui a'tasi Josuéja toya'caen israe'su coenzandeccu'qque poiyi'cco tise'pa sundarondeccuma ttu'se boñamba ñotsse camba Hai canqquenga catseye anga.

1 Samuel 17:20

Ccaqui a'ta sinte'yi Davidja faesu ovejama coira'sui'ccu ovejama catipa tise yaya Isaí afe'cho anqque'suma isupa tsaiqui'ye ja sundarondeccu can'jeni jaye. Tise nepi'ccu tsu sundarondeccuja filisteondeccui'ccu iyiccoye sombopa fundo'fa geraeña'chove.