Josué 2:1 - Cofán: Chiga Tevaen'jen

¹ Tsa'caen conda nanimba Josuéja Sitim canqqueni can'jemba a'tutsse moe dos a'i cuintsu a'tutsse japa atte'faye. Moe'jemba qquen su: “Japa andema camba Jericó canqquema'qque ñotsse can'faja.” Tsa'caen mandasi Jericóni japa tsa'oma afe'su Rahab tsaoni ca'nimba can'jen'fa.

Josué 2:1 Iomraidhean Croise

Génesis 42:16

Cuintsu fae'cco que'i'su japa i'ngaja. Faesundeccuja piccoyepa can'jen'faya'cho. Tsa'caen tsomba gi que'i ñoa'me su'chove atesuya. Que'i su'cho tansintssimbian'da qui a'tutsse ttattasundeccu. Nane faraón canse'choma atesupa gi tansintsse su.

Génesis 42:9

Tsa'caen atesu'fambisi Joséja tayoe tise'pane ayo'o'choma injanjangi in'jamba su: —Que'i qui a'tutsse jacamba attesundeccu. Nane aqquia qui ji'fa ma'caen ingi andema patsuya'chove atteye.

Números 13:1

Na'su Chigaja Moisésma afapa qquen su:

Números 13:2

“Canaán andeni majan tsandiendeccuma moejan cuintsu a'tutsse japa tsa ande ña que'inga afeya'choma atte'faye. Nane poi israe'su dose aindeccu'su fae tsandie majan na'siacan'ma moejan.”

Números 25:1

Israendeccuja Sitimni can'jemba majan tsandiendeccuja Moab'su pushesundeccui'ccu egae tsincoñe ashaen'fa.

Mateo 1:5

Salmón tsu Booz quitsa. Booz mama tsu Rahab. Booz tsu Obed quitsa. Obed mama tsu Rut. Obedja Isaí quitsa tsu.

Mateo 10:16

Que canjan, opa ovejama mandamoenqquia'caen gi que'ima ega aindeccunga moeñe tson'jen. Tsendeccuja putsa'su ain'caen que'ima noñangian'faya. Noñangia'nijan iyo injama'pa'caen ñotsse in'jan'faja. Ppuppuju'cho egave atesumbiqquia'caen can'jen'faja.

Efeso'su 5:5

Ñoa'me vama ñotsse paña'faja: Maqui a'ta Chiga Quitsa, Jesucristo'qque pa'tssima ñoñamba Tise'pa aindeccunga ñotsse afesi majan a'ija isu'faya'bi. Majan tsandie, pushesui'ccu casarambe'yi in'jangae fae'ngae cansesundeccu'ta tsequi a'ta isu'faya'bi. In'jangae tsinconsundeccu'qque isu'faya'bi. Majan cca'indeccu an'bian'choma in'jansundeccu'qque isu'faya'bi. Tsendeccuja ñoña'cho chiga'ca'me iñajansundeqquia'can'fa tsu.

Santiago 2:25

Tsa'caeñi tsu tayopi'su Rahab'qque tsa Jericó canqque'su anañe tsa'oma afe'su. Israe'su mandasi andema cañe jacansundeccunga tsa'oma afepa ccushaeñe a'tupa ccani'su tsaiqui'ye moensi Chigaja “Rahabja ño'a tsu” qquen su.

Josué 1:18

Majan quema pañañe chi'ga'ninda tsu tsamajan fi'ttiya'cho. Nane dyombi'tsse quinse'tsse ccutsuja.

Josué 2:2

Tsonsi cca'indeccuja Jericó'su ande na'sunga qquen conda: —¡Que canjan! Majan israe'su a'i a'tutsse andema atteye ja'ño cose jipa tseni can'jen'fa.

Josué 3:1

Ccaqui a'ta sinte'yi Josué, poiyi'cco israendeccui'ccu Sitim canqque'ye sombopa Jordán naeni ja'fa. Tseni can'jemba ñoña'fa tisupa iseya'chove.

Josué 5:10

Ccovu'su catorce a'ta'su sime toya Gilgalni tsa Jericó sinjunccuni can'jemba israendeccuja Chiga fi'ttimbe panshan'choma panshaen'fa.