Josué 1:9 - Cofán: Chiga Tevaen'jen

⁹ Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Josué 1:9 Iomraidhean Croise

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

Génesis 39:2

Tsa'ma Na'su Chiga Joséi'ccu can'jensi tisema chava'su Egipto'sumbe tsaoni can'jen'an'qque ñotsse'yi can'jen.

Génesis 39:3

Nane tise na'suja Na'su Chiga Joséni can'jensi pa'cco José tson'cho ñotsse sombosi atte.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Tson'fa'cho 4:19

Tsa'ma Pedro, Juan'qque pañamba su'fa: —¿Jongoesu tsu Chigane ti'tsse ñotssi, qquen qui in'jan'fa? ¿Que'ima ti pañañe o Chigama ti pañaña'cho?

Josué 1:10

Chiga tsa'caen susi Josuéja israendeccu'su nasundeccuma qquen manda:

Josué 1:17

Nane Moisésma pañaqquia'caen gi quema'qque paña'faya. Tsa'ma Na'su que'i Chigaja Moisésma angacanqquia'caen tsu quema'qque angacaña'cho.

Josué 1:18

Majan quema pañañe chi'ga'ninda tsu tsamajan fi'ttiya'cho. Nane dyombi'tsse quinse'tsse ccutsuja.

Josué 3:7

Tsonsi Na'suja Josuéma su: “Ja'ño gi quema ti'tsse'tssia've tsoña cuintsu poiyi'cco a'i in'jan'faye ma'caen ña Moisésma fuiteqquia'caen quema'qque fuite'choma.

Josué 6:27

Tsa'caen Na'su Chiga Josuéma fuitesi poiyi'cco tsa ande'su aindeccu tise tson'choma attepa asi'ttaen'fa.

Josué 8:1

Tsonsi Na'su Chigaja Josuénga su: “Dyombe canjan ni ñoquimbijama. Poiyi'cco que sundarondeccuma angapa Hai canqque'su aindeccui'ccu iyicco'faja. Nane tayo gi Hai canqque'su na'suma patsupa quenga afe; toya'caen tise aindeccu, tise canqque, tise andema'qque.

Jueces 6:14

Tsonsi Na'suja Gedeónma su: —Japa quenga afe'cho quin'sui'ccu israendeccuma madiandeccu'ye ccushaenjan. Ña gi quema moe'jen.