Josué 1:7 - Cofán: Chiga Tevaen'jen

⁷ Dyombi'tsse quinse'tsse ccutsuja. Ñotsse in'janjan pa'cco ña Moisésnga su'cho manda'choma pañamba tsoñe. Ni ma'ttiveyi'qque aqque'pambitsse tansintsse tsonjan ñotsse naningeye.

Josué 1:7 Iomraidhean Croise

2 Reyes 22:2

Josíasja tise tayopi'su antian David'ye mandaqquia'caen egae tsincombe'yi ñotsse manda'jesi Na'su Chiga tise ñotsse tson'choma atte.

Job 1:8

Tsonsi Na'suja tisema su: —¿Attembi ti qui ñama shondo'su Jobma? Faesu tisia'can'me me'i'on tsu. Nane tiseja ñama in'jamba ñama shondo'supa egae tsincombe'yi ñotsse canse. Ni faesuma'qque egae tsincombi. Nane faesu a'ija tsa'caen canse'fambi.

Deuteronomio 31:7

Tsomba tse'i Moisésja Josuéma ttu'sepa, poiyi'cco israendeccu paña'jen'ni, tisenga qquen su: “Que injama'choma ñoñamba quinse'tsse tsonjan. Nane que qui va aindeccuma angacaña Na'su Chiga tise'pa tayopisundeccu'yenga tansintsse su'choi'ccu afeye qquen su'cho andeni. Queja tise'pama mandasi tsu tsa andema patsupa an'bian'faya.

Josué 1:1

Na'su Chigama shondo'su Moisés pasi Na'suja Nun dutssi'ye Josué, tsa Moisésma fuite'sui'ccu afapa qquen su:

Josué 1:8

Anttejama va Chiga manda'choma camba afaye. A'ta, cose'qque tsane in'janjan pa'cco tsanga tevaenqquia'caen tsomba canseye. Tsa'caen tsomba qui ñotsse nanimba ñotsse an'biaña.

Josué 1:9

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Josué 23:6

“Dyombi'tsse ccutsupa anttembe'yi pa'cco va Moisés manda'choma nanitsse tson'faja. Ni fae su'choveyi'qque aqque'pa'fajama.