Jonás 4:8 - Cofán: Chiga Tevaen'jen

⁸ Toya'caen coejechiga sombosi Chigaja in'jan cuintsu chiga sombo'jene ju'rutssia fingian jiye. Tsonsi coe'je depa tumbianccuve me'i'onsi tansintsse tise tsovenga desi Jonásja sian'me papa ñoa'me paye in'jan. Tsomba tsu su: —Canse'choma bove ñotssi tsu junde ña paye.

Jonás 4:8 Iomraidhean Croise

Génesis 41:6

Tsama omboe tsu siete na'si sambapa chiga sombo'jene ju'rutssia fingiain'ccu oque'cho sombo.

1 Reyes 19:4

Tsama catipa ti'tsse joccani a'i menia ja. Fae a'ta pa'cco japa quimbipa dyai fundui'si quini'jin tsosiccuni. Ñombi'yepa paye in'jamba Na'sunga su: “Nanitssi tsu, Na'su. ¡Antteja cuintsu ña paye! Nane ñanda gi ña tayopisundeccuma ti'tsse ñotssimbi.”

Job 2:10

Tsa'ma Jobja su: —Pushesu, ¡sumbia'caen afajama! Ñotssiama Chiga afesi avujatsse isu'ta, ¿jongoesie gi egama'qque isuya? Tsa'caen vana'jen'an'qque Jobja ni aya'fai'ccuyi'qque egae tsincombi.

Levítico 10:3

Omboe Aarón iyicca'yesi Moisésja tisema qquen su: —Tsane tsu Na'su Chigaja qquen su: ‘Majan ñanga catsesi gi tisenga ña ñotssiama canjeña. Nane poi israendeccunga gi tisu oshacho ñotssiama canjaeña.’ Tsa'caen susi Aarónjan ziya.

Jonás 1:17

Tsa'caen Jonásma marnga ttova moesi Na'suja rande ccuivoaca'ma moe cuintsu Jonásma cundeye. Tsa'caen Chiga moesi ccuivoja jipa Jonásma cunde. Cundesi ccuivo an'mani ppi tres a'ta, tres coseve.

Jonás 1:4

Tsa'caen Jonás jayisi Na'su Chigaja fingiama moe cuintsu quian'me fingiañe pa'cco mar enttinge'ye. Tsonsi fingian jipa dyo'tsse shave'pama jangian pa'cco barcoma do'joqque'sutsse.

Jonás 4:3

Na'su tsa'cansi gi quema iñajan junde ñama fi'ttija. Canse'choma bove ñotssi tsu junde ña paye.

Jonás 4:9

Tsa'ma Chigaja su: —Quini'si sambasi ¿tsa'caen iyicca'ye'yeta ti ñotssi? Tsonsi Jonásja su: —A'tatsse qui su ñane'jan ñotssiqquia'can tsu. Ñoa'me iyicca'ye'choi'ccu gi paye in'jan.

Mateo 20:12

“Va chiga amppiji'ni semañe ashaensundeccuja aqquia fae hora'ccoe semamba tsu ingi'ccu fae'ngatsse isu'fa. Ingija pa'cco a'ta coe'jenga quinsetsse semasi qui ingima tise'pai'ccu fae'ngae in'jamba afepoen.”

Canjaen'cho 3:19

Poiyi'cco majama ña ñotsse in'jan'da tsendeccuma gi iyu'upa candusian. Tsa'cansi ñama ñotsse pañamba que egae tsincon'choma catija.

Canjaen'cho 7:16

Ccase tsu qquipoe'su'faya'bi. Ni tsaqquie'su'faya'bi. Coejechiga ni ju'rutssia fingian'qque tise'pama cuñaña'bi.

1 Samuel 3:18

Tsa'caen susi Samuelja pa'tssi Chiga su'choma tisenga conda. Condasesi Elíja su: —¡Chiga tsu Na'su! ¡Ma'caen tise in'janqquia'caen tson'jenjan!