Jonás 1:7 - Cofán: Chiga Tevaen'jen

⁷ Tsa'caen tson'jen'ni barcoma angasundeccuja tisupanaccu qquen qquejecco'fa: —Jinge'su co'fepa atesuye majande qquen dyo'oe ingi vanaña'chove shacaen'su. Tsa'caen tson'fasi tsu Jonás shacapave atteye.

Jonás 1:7 Iomraidhean Croise

Salmos 22:18

Gana qquen co'fepa tsu ña ondiccu'je'cho sarupama attufaemba isu'fa.

Mateo 27:35

Jesúsma avuja'cconga oti ccutsiamba sundarondeccu tise ondiccu'je'cho sarupama isupa attufaen'fa. Gana qquen co'fepa isu'fa. Nane tayopi'su Chiga Aya'fama afa'su suqquia'caen tsu tson'fa: “Gana qquen co'fepa tsu ña ondiccu'je'cho sarupama attufaemba isu'faya.”

Tson'fa'cho 13:19

Tsa'caen angacamba Canaán andeni napipa tseni'su siete ande'su aindeccuma fitti'ttipa tsa andema israendeccunga afe. Tise'panga afe cuintsu tise'pa, tise'pa dutssiyendeccu'qque tsa andeni canse'faye.

1 Corinto'su 4:5

Tsa'cansi toya injama'choma somboeña'cho a'ta napimbi'te tisu injama'choni cca'i in'jan'choma asi'ttaen'fajama. Tsa'ma Na'su Jesús jiya'ngae ronda'je'faja. Tise jipa tsu osha'cho sinttiani jincho'choma attiaña. Ñoa'me a'i injama'cho tsosipie in'jan'choma'qque tsu a'tatsse canjaeña. Tsequi a'ta tsu poiyi'cco a'i ma'caen injama'chone in'jan'da tsa'caen Chigane pañamba isu'faya.

Josué 7:10

Tsonsi Na'suja Josuéma su: —¡Jangija! ¿Jongoesie qui tsa'caen andenga puntssan?