Jonás 1:3 - Cofán: Chiga Tevaen'jen

³ Tsa'caen susi Jonásja Na'suma pañañe in'jambipa Jopeni ja tsene Na'suma ccuyacañe. Tseni japa atte tayo barco Tarsisni jaye tson'jen'choma. Attepa pasajema afepoemba barconga otse Tarsisni jaye.

Jonás 1:3 Iomraidhean Croise

Génesis 3:8

Tsonsi sime tayo tumbiansi Na'su Chiga Quitsaja andenga andepa jombachoccu'ye tsui ja'je. Tsandie, pushesu tisema pañamba jombachoccu sheque'chombe enttingenga a'tu'fa, Na'su Chiga tise'pama attesa'ne.

Génesis 4:16

Tsonsi Caínjan tseni Na'su Chigai'ccu condase'jene sombopa Edénima chiga sombo'jefanga Nod andeni ja.

1 Reyes 19:3

Elíasja tsama pañamba dyopa ccuyain ja tisuma ccushaeñe. Nane Judá ande'su Beersebani japa tseni tisema shondo'suma cati.

1 Reyes 19:9

Horebni nepipa tseni'su fattocco changonga ca'nimba ana. Tsa'caen can'jensi Na'su Chiga tisenga jipa iñajampaña: “¿Micon'jen qui va'tti, Elías?”

Job 1:12

Tsonsi Na'su Chigaja Satanama su: —Ju, ñotssi tsu. Que in'janqquia'caen tsonjan pa'cco osha'cho Job an'bian'choma. Tsa'ma tisema mingae pporaenjama. Tsonsi Satanajan Na'su'ye joqquitssin ja.

Job 2:7

Tsonsi cocoyaja Na'su'ye joqquitssipa ja. Japa dyo'oe iñeqque'sui'ccu Jobma daño cuintsu tise ttono ishopa chittatta'e daye. Nane pa'cco tsove tsu'ttepie tsu tsa'caen da.

Jonás 1:10

Qquen supa Jonásja tisu Na'su Chigama ccuyapa jayi'choma conda. Tsa'caen tise su'je'ni barcoma angasundeccuja ti'tsse shave'pa jangi'choma atte'fa. Tsonsi ñoa'me dyopa ccase iñajampaña'fa: —¿Jongoesie qui tsa'caenjan tsincon? ¿Ma'caen gi quema tson'faya cuintsu shave'pa pasaye?

Jonás 4:2

Tsa'camba Na'suma iñajamba qquen su: —Na'su que canjan. Ña toya tisu andeni can'jen'ni que su'nijan tayo gi in'jan que qquen tsoña'choma. Tsa'camba gi junde Tarsisni ccuyapa jaye in'jan. Nane in'jan gi que qui Chiga ño'an, a'ima mendeye'su, junde iyicca'ye'ma'sia qui. Nane queja ñoa'me a'ima vanaeñe supa junde ñoquipa tise'pama antte.

Lucas 9:62

Tsa'ma Jesúsja tisema su: —A'ija vaurai'ccu andema chhochho'jepa sepacconima piyican'da tansintsse jaye oshambi. Tsa'caen majan a'i ñame in'jamba toya'caen tayo'su in'jan'choma in'jan'da Chiga a'ive daye oshaya'bi.

Tson'fa'cho 15:38

Tsa'ma Pabloja in'jambi, tayoe Panfiliani japa Marcos tise'pai'ccu semambe'yi shandain jasi.

Tson'fa'cho 26:19

Na'su Agripa, sefani'su Na'su Jesús tsa'caen sefaccone attiamba susi gi ñotsse pañamba in'jan.

Tson'fa'cho 9:36

Lida canqquei'ccu pporotsse, Jope canqqueni Jesúsve in'jan'cho pushesu, Tabita, qquen inisecho'cho, can'jen. Griegongae tise iniseja, Dorcas. Tsa pushesuja faengasundeccuma ñotsse in'jamba fuitepa canse. Osha'choma mendeqquianga afeye atesu'cho.

Tson'fa'cho 9:38

Tsomba Pedro pporotsse, Lidani can'jen'choma pañamba Jesúsve in'jan'chondeccuja dos a'ima mandamoen'fa cuintsu ttusengaye. Tsonsi jipa su'fa: —Chigáne, utatsse ingi'ccu jija.

Tson'fa'cho 9:42

Tsa'caen ccushaen'choma poiyi'cco Jope canqque'su a'i paña'fa. Tsain'bio a'i pañamba Na'su Jesúsve in'jan'fa.

Tson'fa'cho 9:43

Tsomba Pedroja Jopeni bo'tsse can'jen Simón tsaoni. Simón tsu ttonoma qque'shopa ñoña'su.

1 Corinto'su 9:16

Ñajan Jesucristone ñotsse condase'choma candusiamba tsa'caen patsuye gi oshambi. Tsa'ma Chiga mandasi gi candusiaña'cho. Nane candusiambi'ta gi ñoa'me vanaña.

2 Tesalónica'su 1:9

Tsendeccuma tsa'caen oquesi tsu Na'su'ye joqquitssipa tsangae catiye'faya. Na'su osha'cho joccapitssia'ma canjan'jen'ni'qque atte'faya'bi.