Jonás 1:2 - Cofán: Chiga Tevaen'jen

² “Japa rande Nínive canqquenga condaseja pa'cco tsa canqquema ña sefaeña'choma. Nane tayo gi paña tise'pa egae tsincon'choma.”

Jonás 1:2 Iomraidhean Croise

Génesis 10:11

Nane Sinar ande'ye tsu Asurja sombopa faesu canqqueve canqquian. Tise tsu Nínive canqque, Rehobot-ir, Cala toya'caen tsa rande Resén canqqueve canqquian.

2 Reyes 19:36

Tsa'caen pa'fasi Asiria na'su, Senaquerib, jangipa poiyi'cco toya canse'cho sundarondeccui'ccu toequi Níniveni ja'fa.

Jonás 3:2

“Ja'ño ña quenga condasi japa rande Nínive canqquenga tsama condaseja.”

Jonás 3:3

Tsonsi Jonásja Na'su Chiga mandaqquia'caen Níniveni ja. Nínive tsu ñoa'me rande canqque. Tres a'tave jacamba tsu pa'cco canqquema itoyeya'cho. Jonásja tsa canqquenga ca'nimba fae a'ta cose'tsse jacamba quian'me fundopa qquen condase: “¡Cuarenta a'ta nepisi tsu Chigaja Nínive canqquema osefaeña!”

Jonás 4:11

Tsa'caen gi ña'qque Nínive rande canqque'su aindeccuma mendeyeya'cho. Nane tsa ciento veinte mil a'i ñoa'me'qque du'shua'caen majan ega, majan ñotssiave atesumbindeqquiama. Toya'caen tseni tsu tsain'bio aiña'cho sheque'fa. Tsendeccuma'qque gi mendeyeya'cho.

Mateo 10:18

Ju, que'i ñame in'jansi tsu governarorondeccunga, ande nasundeccunga'qque que'ima indipa anga'faya. Angasi qui tsendeccunga'qque ñane conda'faya. Israembindeqquianga qui ñane conda'faya.

Mateo 12:41

Osefaeña'cho a'ta napisi Nínive canqquesundeccuja va ja'ño'su aindeccu shacama tsu canjaen'faya. Tsendeccuja Jonásma pañamba tisupa egae tsincon'choma chi'gapa Chigama iñajan'fa. Jonásma ti'tsse'tssia gi ja'ño can'jen. Can'jensi toya qui que'i egae tsincon'choma chi'ga'fambi.

Santiago 5:4

A'ima taiñamba qui afopoemba ñotsse afepoen'fambi. Tayo tsu Chiga Quitsa, tsa sefacconi'su sundarondeccumbe Na'su, paña'jen taisundeccu i'namba iñajan'jen'fa'choma.

Canjaen'cho 18:5

Nane tise'pa egae tsincon'choma agattopa boñaqquia'caen Chiga sefacconi tsu nepi'fa. Chiga Quitsaja tise'pa egae tsincon'choma injan'jemba