Jonás 1:16 - Cofán: Chiga Tevaen'jen

¹⁶ Tsonsi barcoma angasundeccuja dyoe'sui'ccu Na'su Chigama ñotsse in'jamba tisenga afe'choma oque oraemba afepa conda'fa jai'ngae tisupa ñotsse tsoña'chone.

Jonás 1:16 Iomraidhean Croise

Génesis 28:20

Tse'ttinga tsu Jacobja ñoa'me su'chove afa: “Chiga ñai'ccu jacamba ña qquen jacan'choma coirapa angacamba jongoesu anqque'su toya'caen ondiccuqque'suma afesi

Génesis 8:20

Tsonsi Noéjan Na'su Chiganga afeye oque'je'chove ccutsiamba osha'cho anqque'su vaura, oveja'can'ma, osha'cho anqque'su chhiririama'qque isupa oquepa Na'su Chiganga afe.

Daniel 6:26

Nane pa'cco ña manda'je'cho tsu Daniel Chigama dyoe'sui'ccu paña'faya'cho. Tsa tsu ñoa'me Cansian Chiga, toya'caen tsangae tsu jinchoya. Tise manda'je'cho'ni tise oshacho'qque pasaya'bi ni sefaya'bi.

Jonás 1:10

Qquen supa Jonásja tisu Na'su Chigama ccuyapa jayi'choma conda. Tsa'caen tise su'je'ni barcoma angasundeccuja ti'tsse shave'pa jangi'choma atte'fa. Tsonsi ñoa'me dyopa ccase iñajampaña'fa: —¿Jongoesie qui tsa'caenjan tsincon? ¿Ma'caen gi quema tson'faya cuintsu shave'pa pasaye?

Jonás 1:14

Tsa'caen pasambi'si dyopa Na'su Chigama qquen su'fa: “Na'su, va a'imbe shacai'ccu ingima fi'ttijama, ni inginga shacama anttejama va a'ima fi'tti'chone tise egae tsombi'ninda. Nane Na'su, que in'jamba tson'cho tsu.”

Marcos 4:31

Nane tsata tsu mostasa choma andenga jonqquia'can. Pa'cco va andeni jinchombe choma bove'cco tsu mostasa choja.

Tson'fa'cho 5:11

Tsa'caen tsonsi poiyi'cco Jesúsve in'jan'chondeccuja dyo'fa. Toya'caen poiyi'cco majan pañasundeccu'qque dyopa can'boen'fa.

Jueces 13:16

Chigama sefacconi'su shondo'suja su: —Que ñama se'pisi canjen'anqque añambi gi que aña'choma. Tsa'ma oque oraeña'chove ñoñamba Na'su Chiganga afeja. (Manoajan toya tsu atesumbi tsa a'ija ñoa'me Na'su Chigambe sefacconi'su shondo'suve.)