Jonás 1:14 - Cofán: Chiga Tevaen'jen

¹⁴ Tsa'caen pasambi'si dyopa Na'su Chigama qquen su'fa: “Na'su, va a'imbe shacai'ccu ingima fi'ttijama, ni inginga shacama anttejama va a'ima fi'tti'chone tise egae tsombi'ninda. Nane Na'su, que in'jamba tson'cho tsu.”

Jonás 1:14 Iomraidhean Croise

Génesis 9:6

Majan faesu a'ima fi'tti'ninda faesu a'i tsu tsama'qque fi'ttiya. Nane Chiga tisia'caen a'ive agattoen'choma fi'ttipa tsu tsa'caen paya.

Jonás 1:13

Tsa'ma barcoma angasundeccuja ccattufa qquen quian'me chhochho'je'fa. Chho'chho'ma osha'fambi ccattufaye shave'pa fingian'qque ti'tsse quian'me ji'jesi.

Jonás 1:16

Tsonsi barcoma angasundeccuja dyoe'sui'ccu Na'su Chigama ñotsse in'jamba tisenga afe'choma oque oraemba afepa conda'fa jai'ngae tisupa ñotsse tsoña'chone.

Jonás 1:5

Tsa'caen dasi barcoma angasundeccuja ñoa'me dyopa poiyi'cco tisupa chigama iñajan'fa. Tsa'ma shave'paja pasambi'si dyopa barco andu'choma isupa marnga ttova'ccoen moe'fa cuintsu barco favaye. Tsa'caen da'je'ni atesumbe Jonásja barco tsosiccu'su ttuccuni pa'ye'tsse ana'jen.

Jonás 3:8

Tsa'ma poiyi'cco a'i tsincco'cco'je'cco'a ondiccu'jema ondiccu'faja tisu ñombi'ye'choma canjeñe. Tsomba pa'cco que'i tsain'fai'ccu Chigama iñajan'faja. Toya'caen tsu poiyi'cco tisu ja'ñopan egae tsincon'choma anttepa ñotsse can'jeña'cho.

Mateo 11:26

Ju, Yaya, tsa'caen in'jamba ñotsse qui tson.

Tson'fa'cho 28:4

Sinsinsioaca'an tsa'caen tise tivema tsai ancansi attepa tseni'su aindeccuja qquen afacco'fa: —¿Unjún? Va a'ita tsu a'ima fi'tti'su. Nane marnga pambi'ni'qque tsu sefacco'su anttembi, tise ti'tsse canseye.

Efeso'su 1:11

Chigaja Tisu in'janqquia'caen in'jamba tsa'caen tsu tsoña. Tiseja in'jamba tayoe mandasi gi fae'ngae Jesucristoi'ccu ñoñamba Cristonga afe'choma fae'ngae isu'faya.

Efeso'su 1:9

Toya'caen Tise tayoe condambi'choama ja'ño inginga conda. Nane Tise in'jamba tsoña'choma'qque tayoe condambipa ja'ño inginga conda.