Jeremías 7:6 - Cofán: Chiga Tevaen'jen

⁶ Yaya mama pa'cho dushundeccumbema, tsandupajen'chondeccumbema, que'i'ccu can'jen'cho faesu andesundeccumbema'qque itsaye noñangian'fajama. Va ettini aqquia: Vaja egae tsincon, qquen afopoen'fajama tisema fi'ttiañe in'jamba. Ti'tsse faesu chigandeccuma iñajan'fajama tsa'caen tsomba Na'su que'i Chigama catipa ti'tsse tisuma dañosa'ne.

Jeremías 7:6 Iomraidhean Croise

2 Reyes 24:4

Toya'caen Manasés'yeja Jerusaléni tsain'bitssi egae tsincombindeqquiama injanga fitti'tti'chone tsu Chigaja iyicca'yepa tsa'caen tson. Ñoa'me tsu Na'su Chigaja Judá egae tsincon'choma ti'tsse aqque'paye in'jambi.

Salmos 106:38

Egave me'chondeqquia'be anjampama tssaña'fa. Tise'pa dutssiyendeccu, onquengendeccumbe anjampama tssañamba Canaán ande'su chigandeccunga afesi tsendeccumbe anjampaja pa'cco tsa andema dañomba egave tson.

Isaías 59:7

Que'i tsu'tte'ta tsu bare egae tsincon'chonga buttopa jaye, toya'caen quian'me japa egae tsincombi'choma fi'ttiye. Que'i injama'choni'qque egae in'jan'choyi on'ba'osi qui mani jacan'an'qque osha'choma dañomba vanae'fa.

Jeremías 19:4

Nane israendeccu ñama catipa va sinjunccuma faesu andema'caen tson'fasi gi tsa'caen dañoña. Ja'ño va'ttinga tsu ñome'bama faesu chigandeccunga oque oraen'fa. Nane tise'pa ni tise'pa tayopisundeccu'ye ni Judá'su nasundeccu tsa chigandeccuma tayoe atesu'fambi. Toya'caen vani tsu tsain'bitssia egae tsincombindeqquiama fittitti'fa.

Jeremías 26:15

Toya'caen vama ñotsse in'jan'faja: Ñama fi'tti'ta qui que'i toya'caen poiyi'cco va canqque'su aindeccu shacapa'faya. Nane egae tsincombi'choama fi'ttipa qui tsa'caen shacapa'faya. Ñoa'me Na'su Chiga ñanga afafaemba moesi gi a'tatssia've que'inga osha'cho va Na'su su'choma conda.”

Jeremías 7:5

“ ‘Que'i egae canse'choma catipa ñotsse tsomba tisu faenga'sui'ccu ñotsse tsoncco'faja.

Jeremías 7:9

Nane que'ija cca'na'fa; fi'tti'fa; faesumbe pushei'ccu can'jen'fa; tansintssi qquen supa qui afopoen'fa; ñome'bama qui Baalnga oque oraen'fa; poi tisu atesumbindeqquia chigandeccuma'qque qui iñajan'fa.

Malaquías 3:5

Na'su Osha'choma Oshacho'cho Chigaja su: “Jiya gi que'i injama'choma somboeñe. Nane coragandeccu, faesumbe tsa'ndu faesumbe pushei'ccu can'jendeccu, toya'caen ñoa'metsse su'cho qquen supa afopoensundeccu egae tsincon'choma canjaeña. Sema'sunga ñotsse afepoembi'choa nasundeccu, tsandupajen'choma vanaesundeccu, yayame'choama vanaesundeccu egae tsincon'choma'qque gi canjaeña. Toya'caen que'i'ccu canjen'su faesu ande'suma noñangiansundeccu egae tsincon'choma'qque gi canjaeña. Nane poiyi'cco tsendeccu tsu ñama dyoe'sui'ccu in'jan'fambi.

Mateo 27:25

Tsa'caen canjaemba susi aindeccuja su'fa: —¡Ingi tisema fi'ttiye in'jamba fi'tti'chone inginga tsu shacave antte! ¡Ingi dushundeccunga'qque tsu shacave antte!

Mateo 27:4

angapa afepa su: —Egae tsincombi'choama fi'ttiye afepa gi egae tsincon. Tsa'ma Chigama afa'su nasundeccuja su'fa: —¿Jongoesie qui ingingata ji? Que tsa'caen tson'choja que in'jan'cho tsu.

Santiago 1:27

Qquen tsu Chiga Quitsaja in'jan a'i ñoa'me ñotsse afopoembi'choa Chiga a'ive dapa tsoña'chove: yayamendeqquia'ma fuiteya'cho; tsandupajen'chondeccu vana'jen'choma'qque fuiteya'cho; tisuma coiraya'cho va ande'su egae in'jan'choma tsonsa'ne.