Jeremías 7:10 - Cofán: Chiga Tevaen'jen

¹⁰ Tsa'caen tsomba qui va ña ettinga ji'fa ñame tta'ttaye. Dyombi'tsse vani ji'jeye qquen qui in'jan'fa. Nane tsa'caen ña in'jambi'choa've tsincomba toya dyombi'tsse ji'jeye qquen qui in'jan'fa.

Jeremías 7:10 Iomraidhean Croise

1 Reyes 9:3

Tisenga attiamba su: “Que ñama iñajamba afa'choma gi tayo paña. Ñoa'me gi va ñama iñajan'jen'cho ettima in'jan. Va que ñambe tsao'ña'choni tsu tsangae ña iniseja can'jeña. Tsangae gi tsama coira'jepa tseni ronda'jeya.

Jeremías 32:34

Ñoa'me gi tise'pa ñoña'cho chigandeqquiacan'ma chi'ga. Nane tsesuma ñañi can'jen'cho ettinga ccutsiamba tsu ña tsa'oma daño'fa.

Jeremías 7:11

¿Jongoesu qquen qui asi'ttaen'fa? ¿Va ñame in'jan'cho ettita ti ccanamba tsa'o? Ña Na'su Chiga gi que'i va'ttinga egae tsincon'choma tayo attepa ja'ño que'inga conda.

Jeremías 7:14

Que'i tsa'caen tsincon'chone gi Silo'su ñama cachuicco'je'ttima nepianqquia'caen va ja'ño'su ñame in'jan'cho ettima'qque nepiaña. Ñajan va ettima que'i tayopisundeccu'yenga afepa que'inga'qque afesi que'ija tsa etti faesundeccu patsusa'ne que'ima coira'je qquen in'jan'fa.

Mateo 23:13

¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Sombo'ttima piccoqquia'caen qui se'pi'fa cca'indeccu Chigave in'jamba Tisema na'sian'cho aindeccuve da'fasa'ne. Nane que'ija Chiga sefacconi ca'nimbipa cca'indeccu ca'niñe in'jan'fasi qui tise'pama se'pi'fa.

Juan 13:18

Que'i poiyi'ccone'da afa'jembi gi. Nane ña in'jamba ttu'se'chondeccu injama'choma gi atesu. Tsa'ma Chiga Tevaen'jen suqquia'caen tsu junde tsoña: “Ñai'ccu fae'ngae an'su tsu ñama chi'gapa afeya.”

Juan 18:28

Tsonsi Caifás tsaone sombopa Jesúsma anga'fa governaror tsa'onga tayo a'taningae. Israendeccuja governaror tsa'onga ca'ni'fambi tisupa asettu'je'choma dañosa'ne. Tsa'caen daño'da Chiga panshaen'cho injienge'cho aña'choma añe osha'faya'bi.