Jeremías 26:12 - Cofán: Chiga Tevaen'jen

¹² Tsonsi Jeremíasja nasundeccu, poi aindeccunga qquen su: “Ñoa'me tsu Na'su Chiga ñama moe tise su'choma afaye. Nane tise mandasi gi va canqque, va Chiga ettine'qque conda que'i pañaqquia'caen.

Jeremías 26:12 Iomraidhean Croise

Jeremías 26:15

Toya'caen vama ñotsse in'jan'faja: Ñama fi'tti'ta qui que'i toya'caen poiyi'cco va canqque'su aindeccu shacapa'faya. Nane egae tsincombi'choama fi'ttipa qui tsa'caen shacapa'faya. Ñoa'me Na'su Chiga ñanga afafaemba moesi gi a'tatssia've que'inga osha'cho va Na'su su'choma conda.”

Jeremías 26:2

qquen su: “Chiga etti'su atandundunga ccutsupa poiyi'cco majan Judá'su canqquene jipa Chigama iñajansundeccunga ña quema mandapa su'choma condaja. Ni fae afa'choveyi'qque aqque'pajama.

Amós 3:8

Ttesi fundo'je'ninda poiyi'cco a'i tsu dyo'fa. Toya'caen Na'su afaen'ninda, ña, tise Aya'fama afa'suja, aqquia injanga afaya'bi.

Tson'fa'cho 4:19

Tsa'ma Pedro, Juan'qque pañamba su'fa: —¿Jongoesu tsu Chigane ti'tsse ñotssi, qquen qui in'jan'fa? ¿Que'ima ti pañañe o Chigama ti pañaña'cho?

Tson'fa'cho 5:29

Qquen susi Pedro, faesu Jesúsne afasundeccu'qque qquen conda'fa: —Ingija Chiga Quitsama pañaña'cho. A'i ccaningae manda'ninda pañañe osha'fambi gi.