Jeremías 23:4 - Cofán: Chiga Tevaen'jen

⁴ Toya'caen gi ñotsse mandasundeccuma ccutsiaña cuintsu tise'pama ñotsse coirapa ni fae'ccoveyi'qque qqueñambitsse an'biañe. Nane tsa'caen ñotsse coirasi tsu dyombi'tsse can'jen'faya. Ña, Na'su Chiga gi que'inga conda.”

Jeremías 23:4 Iomraidhean Croise

Isaías 11:11

Toya'caen tsequi a'ta Na'suja tise Osha'choma Oshacho'choma canjaemba tise aindeccu'su toya tise've in'jan'chondeccuma ccase ttu'se boñaña. Nane Asiriani toya'caen Egiptonima ttu'se boñamba Patros, Etiopía, Elam, Sinar, Hamat toya'caen poi marni'su andenima'qque tise'pama ttu'sepa boñaña.

Levítico 26:9

Ña que'ima ñotsse in'jansi qui ti'tsse atapa'faya. Nane aqque'paya'bi gi ña que'i'ccu injancco'choma.

Miqueas 4:4

Tsa'ma poi a'i opatsse cansepa tisupa o'fa tsaja ccaqueje tumbianccuni, tsambi'ta tisupa higuera tsosiccuni dyai'faya. Na'su Osha'choma Oshacho'cho tsa'caen susi ¿majan tsu tise'pama dyoñaña?

Miqueas 5:2

“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Juan 17:12

Ñajan tsendeccui'ccu va andeni can'jemba gi tise'pama coira. Que ñama fuitesi gi que in'jaensi ñai'ccu jacansundeccuma ñotsse an'bian. Majañi'qque qque'fambi tsu. Tsa'ma fa'e, tsa “tayo qque'su” tsu qque, Chiga Tevaen'jen suqquia'caen tsoñe.

Juan 18:9

Tsa'caen tsu su tise tayoe suqquia'caen cuintsu tson'faye: “Chiga Quitsa in'jaensi ñame in'jan'chondeccuja majañi'qque qque'fambi tsu.”

1 Pedro 1:5

Que'i Chigave in'jansi tsu Tiseja que'ima coirapa an'biañe osha, osefaeña'cho a'ta napiya'ngae. Nane tsequi a'ta tsu Tise ñoñamba ccushaen'choma que'inga canjaemba afeya.