Jeremías 23:3 - Cofán: Chiga Tevaen'jen

³ Mapán que'i ña ovejandeccuma faesu andeni tteya maña'fa'ni'qque gi enttinge jinchoma ccase ipa boñamba antteya cuintsu tise'pa potreroni can'jemba atapa'faye.

Jeremías 23:3 Iomraidhean Croise

Salmos 106:47

¡Na'su, ingi Chiga, ingima ccushaenjan! ¡Ingi cca'tti, cca'tti can'jen'cho ande'ye ingima ttu'sepa boña'jan cuintsu ingi'qque que ñotssia inisema ñotsse afa'faye!

Jeremías 29:14

Ju, que'i ñama attesi gi que'ima ccushaemba que'i tayoe an'bian'choma'qque toequi que'inga afeya. Poiyi'cco attufaen'cho ande'ye, poi faesu aindeccu'ye gi que'ima ttu'sepa toequi iya va que'ima toya joqquitssiambi'te can'jen'cho andeni. Ña, Na'su Chiga gi que'inga conda.’ ”

Jeremías 32:37

Tayoe va aindeccuma iyicca'yepa chi'gapa poi faesu andeni shequian mañamba gi tise'pama tsa'ye ttu'sepa ccase va tise'pa can'jen'cho andengayi boñaña. Vani tsu opatsse canse'faya.

Levítico 26:9

Ña que'ima ñotsse in'jansi qui ti'tsse atapa'faya. Nane aqque'paya'bi gi ña que'i'ccu injancco'choma.