Génesis 9:2 - Cofán: Chiga Tevaen'jen

² Toya'caen tsu poiyi'cco va andeni canseqque'su, sefani chhajeqque'su chhiriria, andenga manguqque'su, marni'su avu'qque que'ima dyoe'sui'ccu in'jan'faya. Nane ña que'inga afesi qui poiyi'cco tsendeccuma manda'faya.

Génesis 9:2 Iomraidhean Croise

Génesis 1:21

Tsa'caen supa Chigaja osha'cho rande na'en'su cansian jincho'chove agattoen. Nane osha'cho na'eni canse'pa jacanqque'suma ccaningandeqquiave agattoen. Toya'caen osha'cho sefacconi chhajeqque'su chhiririama'qque ccaningandeqquiave agattoen. Chigaja tsa'caen agattoemba attepa avujatssi.

Génesis 1:26

Avujatssipa su: “Jinge a'ive agattoeñe. Nane ingi'caeñi agattoeña'cho cuintsu tiseja na'en'su avuma, sefani'su chhiririama, aiña'cho vaura'can'ma'qque mandaye. Nane pa'cco andema, osha'cho andeni manguqque'suma'qque mandaye.”

Génesis 1:28

Agattoemba tise'pama ñotsse afapa su: “Ñotsse canse'pa atapa'faja cuintsu pa'cco ande on'batssiye. Nane pa'cco andeni can'jemba osha'choma patsupa manda'faja. Na'en'su avu, sefani'su chhiriria, osha'cho andeni canseqque'suma'qque patsupa manda'faja.”

Génesis 2:19

Tsa'caen in'jamba Na'su Chigaja tayo andema osha'cho ande'ye jacanqque'su, sefa'ye chhajeqque'su chhiririave'qque ñoña'choma tsandienga i. Ipa tsandiema manda cuintsu osha'chove inisiañe. Tsa'cansi osha'cho tsu tsandie tise'pama inisianqquia'caen tsangae jincho.

Génesis 35:5

Tsa'caen a'tupa tsa canqque'ye sombo'fasi Chigaja poiyi'cco tse'tti pporotsse canjensundeccuma dyo'faya'chove in'jaen cuintsu Jacob dushundeccuma mandiambe can'faye.

Génesis 9:1

Chigaja Noé, tise dutssiyendeccuma'qque ñotsse tsoñe in'jamba qquen su: “Pa'cco andeni japa can'jemba atapa'faja.

Génesis 9:3

Toya'caen pa'cco cansian jincho'cho tsu que'i anqque'su. Nane ande'ye sho'yoqque'su tetachoma anqque'suve que'inga afeqquia'caeñi gi osha'cho cansian jincho'choma'qque que'inga afe cuintsu amba canse'faye.

Oseas 2:18

Tsequi a'ta gi tsampini jacanqque'sui'ccu injancco'faya'chove tsoña cuintsu antte'faye israendeccu tise'pai'ccu opatsse canse'faye. Nane sefani jacanqque'su, andeni manguqque'sui'ccu tsa'caen injancco'faya'chove gi tsoña. Toya'caen gi sundaro battittianccu, matichima'qque itsapa gerama se'piya cuintsu israendeccu ppimppintsse ana'jen'faye.

Levítico 26:6

Ña que'i andenga tsa'caen tsonsi qui opatsse can'jemba ppimppintsse ana'jen'faya. Nane putsa'su ttesia'can que'i andeni can'jeña'bi ni faesu ande'su sundarondeccu'qque geraeñe ji'faya'bi.

Santiago 3:7

A'ija osha'choma aiñañe osha'fa. Nane osha'cho ande'ye jacanqque'su, sefani chhajeqque'su, ande'ye manguqque'su, marni can'jenqque'suma'qque tayo tsu aiña'fa.