Génesis 9:10 - Cofán: Chiga Tevaen'jen

¹⁰ Nane poiyi'cco que'i'ccu tsa'o shavo'ye sombopa can'jendeccu —chhiriria, vaura'can, poi tsampini jincho'choi'ccu'qque gi fae'ngae injancco'faya.

Génesis 9:10 Iomraidhean Croise

Génesis 8:1

Tsomba tse'i Chigaja Noé, poiyi'cco tisei'ccu tsa'o shavoni can'jen'cho cansian jincho'choma'qque injan'jemba fingiama mandamoen cuintsu andema samboeñe. Fingiansi na'enjan sambaye ashaen.

Génesis 8:19

Toya'caen poiyi'cco vaura'can, tsampini can'jenqque'su, andenga manguqque'su, chhiriria'qque tsa'o shavo'ye sombo'fa.

Génesis 9:11

Que'i'ccu cambian'masia've fae'ngae injanccopa gi su: Ccatsse gi poiyi'cco cansian jincho'choma ccase na'ei'ccu fi'ttiya'bi. Ni ccatsse gi pa'cco andema ccase na'ei'ccu piccopa dañoña'bi.

Génesis 9:9

“Que canjan. Que'i'ccu gi fae'ngae injanccopa toya'caen que'i omba'su dutssiyendeccui'ccu'qque fae'ngae injancco'faya.

Oseas 2:20

Queja ña pushesi gi tsangae quema an'biaña. An'biansi qui ñama que Na'su qquen injan'jeña.

Jonás 4:11

Tsa'caen gi ña'qque Nínive rande canqque'su aindeccuma mendeyeya'cho. Nane tsa ciento veinte mil a'i ñoa'me'qque du'shua'caen majan ega, majan ñotssiave atesumbindeqquiama. Toya'caen tseni tsu tsain'bio aiña'cho sheque'fa. Tsendeccuma'qque gi mendeyeya'cho.