Génesis 41:8 - Cofán: Chiga Tevaen'jen

⁸ Tsa'ma ccaqui a'ta sinte'ye ñoa'me asi'ttaén dyaipa manda cuintsu poiyi'cco Egipto'su jai'ngae ma'caen daya'chove condasundeccu, injama'pandeqquiama'qque ttu'se'faye. Ttu'sesi ji'fasi faraónjan tise ayo'o'choma condase. Tsa'ma majan tsendeccu'suyi'qque ayo'opa in'jan'choma condaye osha'fambi.

Génesis 41:8 Iomraidhean Croise

Génesis 40:6

Sinte Joséja tise'pama can'su jipa atte asi'ttaen dyai'fa'choma.

Génesis 40:8

Tsonsi tsu su'fa: —Ayo'o'fa gi tsa'ma me'i'on tsu majan ingi ayo'opa in'jan'choma condaye. Tsonsi Joséja iñajampaña: —¿Isha tsu Chiga Quitsaja condaye oshaya? Tsa'ma ñanga condasecan'faja que'i ayo'o'choma.

Génesis 41:15

Ccutsusi faraónjan tisema su: —Ayo'o'choma gi ayo'o tsa'ma majañi'qque tsu tsa ayo'opa in'jan'choma condaye osha'fambi. Tayo gi paña queja ayo'o'choma pañamba condaye osha.

Génesis 41:24

Tsa na'si samba tsu siete na'si me'detssiama an'fa. Pa'cco va ña ayo'o'choma gi jai'ngae ma'caen daya'chove condasundeccunga condase. Tsa'ma majañi'qque tsu tsa ayo'opa in'jan'choma condaye osha'fambi.”

Génesis 41:7

Tsa'caen oque'cho na'si sombopa tsu tsa siete na'si zutssipa me'detssiama an'fa. Faraónjan qquendyapa in'jan tisu ñoa'me ayo'ochove.

Éxodo 7:11

Tsa'caen tsonsi attepa faraónjan manda cuintsu tise atesu'cho injama'pandeqquia toya'caen tise mágicondeccuma'qque ttusengaye. Tsendeccu jipa tise'pa mágicoi'ccu tsa'caeñi tson'fa.

Éxodo 7:22

Tsa'ma Egipto'su mágicondeccu'qque tsa'caeñi tson'fa tise'pa mágicoi'ccu. Tsa'caen tson'fasi faraónjan ñoa'me iyicca'yepa se'pipa Moisés toya'caen Aarón su'choma pañañe in'jambi Na'su Chiga ma'caen suqquia'caen.

Éxodo 8:7

Tsa'ma egipto'su mágicondeccu'qque tise'pa mágicoi'ccu tsa'caeñi tsomba pa'cco egipto andenga sapoveyi i'fa.

Éxodo 9:11

Tsa'caen tsonsi mágicondeccu'qque Moisésnga catsepa tsa'caen tsoñe osha'fambi, nane tise'pa'qque egiptondeccupa tayo ccomenzufapa'fa.

Isaías 29:14

Tsa'cansi gi ccase osha'cho ña canjaen'choma canjaeña cuintsu va aindeccu bo'yo'e dapa camboen'faye. Nane ña ti'tsse'tssiama attepa tise'pa ñotsse tson qquen in'jan'cho tsu pasaya. Tise'pa'su injama'pandeqquia in'jamba in'jan'cho'qque tsu pasaya.”

Daniel 1:20

Pa'cco in'jamba atesuqque'suma na'su iñajampañasi tsendeccuja poiyi'cco Babilonia'su injama'padeqquia toya'caen o'fema camba ma'caen daya'chove atesu'chondeccuma ñoa'me ti'tsse'tsse atesupa conda'fa.

Daniel 4:18

“ ‘Tsa tsu ña, na'su Nabucodonosor, ayo'ocho. Ja'ño, Beltsasar, condaja jongoesune ña tsa'caen ayo'ochoma. Nane fae atesu'choyi'qque tsu ña'suja pañamba condaye oshambi. Tsa'ma queta qui condaye osha quei'ccu Chiga Qquendya'pa can'jensi.’

Daniel 4:19

“Tsa'caen susi pañamba Daniel, tsa Beltsasar qquen inisecho'choja, jongoesune ayo'ochoma tayo in'jamba dyopa asi'ttaen ccutsu. Tsonsi gi ña, na'suja, tisema su: ‘Beltsasar, ña ayo'ochone, toya'caen condaya'chone panshaen asi'ttaenjama.’ Ña tsa'caen susi tsu Beltsasarja qquen su: ‘Ay, tsa Que Ti'tsse'tssiambe ayo'ocho te ma'caen'qque que enemigonga tsa'caen daye'can.

Daniel 4:5

Tsa'ma fae cose anañe ccuipa anamba gi ñoa'me dyo'tssia've ayo'o. Tsa in'jan'cho toya'caen attian'cho tsu ñoa'me ñama dyoña.

Daniel 4:6

Tsa'caen ayo'opa gi manda cuintsu poiyi'cco Babilonia'su atesu'chondeccu ñani jipa jongoesune tsa'caen ña ayo'ochoma ñanga conda'faye.

Daniel 4:7

Tsonsi tsu ji'fa poiyi'cco Babilonia'su injama'pandeqquia, atesu'chondeccu, jai'ngae ma'caen daya'chove atesu'chondeccu, toya'caen o'fema camba ma'caen daya'chove atesu'chondeccu'qque. Tsa'caen ji'fasi gi ña ayo'o'choma condase. Tsa'ma tsendeccuja jongoesune ña tsa'caen ayo'ochoma condaye osha'fambi.

Daniel 5:11

Nane que manda'je'choni tsu can'jen fae a'i ño'an Chigambe Qquendya'pa angacan'cho. Que Ti'tsse'tssiambe yayaccasheye'ye na'suite tsu tsa a'ija a'tatsse canjaen tiseja chigandeqquia'caen ñoa'me injama'pave. Tsa'cansi tsu que ti'tsse'tssiambe yayaccashe'ye Nabucodonosor'yeja tisema inisian poiyi'cco va ande'su injama'pandeqquia, jai'ngae ma'caen daya'choma atesu'chondeccu, toya'caen o'fema camba ma'caen daya'chove atesu'chondeccumbe na'suve.

Levítico 19:31

“Coragama iñajanjama pa'choi'ccu afaye ni cocoya condasi atesu'je'chove tta'tta'fajama atesuya'chove. Nane tsa'caen tson'da qui tisuma dañoña. Ña gi Na'su que'i Chiga.”

Mateo 2:1

Jesúsja Belén canqqueni isu'cho. Judea ande'su canqque tsu. Herodes na'suite tsu Jesúsma isu'cho. Tsa'caen isusi biani'su injama'pandeqquia tisema can'su ji'fa. Chiga sombo'jene jipa Jerusaléni ca'nimba

Tson'fa'cho 17:18

Majan tisei'ccu cachuicco'chondeccuta tsu epicoro in'jan'choma atesiansundeccu. (Tsendeccuja “injanga canseya'cho” qquen in'jamba atesian'jen'fa.) Toya'caen majan faesu tisei'ccu cachuicco'chondeccuta tsu estoico in'jan'choma atesiansundeccu. (Tsendeccuja “osha'cho tsaveqque'su” qquen supa tsa'caen atesian'jen'fa.) Tsendeccu Pabloma cachuipa condaseccoye ashaen'fa. Majandeccuja su'fa: —¿Mingae afa qquen tson'jemba tsu vaja qquejecan? Toya'caen faesuja su'fa: —Vata tsu faesu chigane condase'su. Nane Pabloja Jesúsne, Jesús papa ccase qquendya'chone afasi tsu tsa'caen su'fa.

Tson'fa'cho 7:22

Tsa'caen coeñansi tsu Moisés pa'cco Egiptosundeccu atesuqque'suma atesucho. Nane tsa'caen atesuchopa pa'ccoma afapa tson.

1 Corinto'su 1:19

Qquen tsu Chiga Tevaen'jen su: Injama'pandeqquia in'jan'choma gi catiya. Atesusundeccu asi'ttaen'choma gi joqquitssiaña.