Génesis 40:12 - Cofán: Chiga Tevaen'jen

¹² Joséja pañamba su: —Qquen tsu que ayo'ochoja condaye in'jan: Tres ttembata tsu canjaen tres a'tave.

Génesis 40:12 Iomraidhean Croise

Génesis 40:11

Ñajan na'su faraón tasama an'biamba tsanga tsaja tsa'ccuma mandyipa on'boen. On'boemba ñañi gi tsa tasama angapa afe na'su faraón tivenga.

Génesis 40:13

Nane tres a'ta pasasi faraónjan quene injanjangipa ccase que semaqque'sungayi quema ca'niaña. Tsonsi qui tayoa'caeñi na'su faraónga que tivei'ccu angapa cuiña'jeña.

Génesis 40:18

Tsama pañamba Joséja su: —Qquen tsu que ayo'ochoja condaye in'jan: Tres saparo tsu tres a'tave canjaen.

Génesis 41:12

Nane tseccuniñi tsu ingi'ccu fae hebreo'su dusunga piccoyepa can'jen. Tsaja capitánmbe sema'su. Tisenga gi ingi ayo'o'choma condase'fasi tise tsu ma'caen daya'chove tansintsse conda.

Génesis 41:28

Nane ña suqquia'caen tsu Chigaja faraónga conda tisu ma'caen tsoña'choma.

Daniel 4:18

“ ‘Tsa tsu ña, na'su Nabucodonosor, ayo'ocho. Ja'ño, Beltsasar, condaja jongoesune ña tsa'caen ayo'ochoma. Nane fae atesu'choyi'qque tsu ña'suja pañamba condaye oshambi. Tsa'ma queta qui condaye osha quei'ccu Chiga Qquendya'pa can'jensi.’

Mateo 26:26

Toya an'jen'fa'ni Jesús panma isupa Chigama ñotsse afa. Afa nanimba panma doñamba tisema shondosundeccunga afepa su: —Va panma isupa an'faja. Ña ai'vo tsu.

1 Corinto'su 10:4

Poiyi'cco tsu fae'ngae Chiga afe'cho tsa'ccuma'qque cu'i'fa. Chiga agattoen'cho patu tise'pa sepaccofae jiñasi tsa'ye tsa'ccu sombosi tsu cu'i'fa. Tsa patuja Cristo tsu.

Galacia'su 4:25

Nane Agarja Arabia ande'su Sinaí Ccotta'ccoa'can tsu. Toya'caen tiseja ja'ño'su Jerusalén canqquea'caen tsu poiyi'cco israendeccu ma'caen tson'faya'choma canjaen. Agárja patrón mandasi sema'susi tise dushundeccu'qque patrón mandasi sema'jen'fa. Israendeccuma'qque tsa'caen manda'cho mandasi sema'jen'fa ccushaye qquen in'jamba.

Jueces 7:14

Tsa'caen condasesi tise amigoja su: —Tsa panda tsu israendeccu'su Joás dutssi'ye Gedeón matichi'ccu ingima fitti'ttiya'cho. Nane Chiga tsu Gedeónga antte cuintsu tiseja poi madiandeccuma patsupa tsani sheque'cho carpama'qque metsse patsuye.