Génesis 4:4 - Cofán: Chiga Tevaen'jen

⁴ Toya'caen Abelja tseyi isu'cho oveja du'shuma fi'ttipa yayapatssi nama ipa afe.

Génesis 4:4 Iomraidhean Croise

Génesis 15:17

Tsonsi chiga amppipa tayo si'en dasi oro'je'cho si'ngema angaqque'su api, si'nge anchanda'je'cho'qque attiamba tsa gettipa ccuiña'cho enttinge'ye panshan'fa.

Génesis 4:3

Can'jemba jai'ngae Caínjan andenga sho'yoqque'su nama taipa Na'su Chiganga afeye i.

1 Reyes 18:24

Tsa'caen ñoñamba que'ija que'i chigandeccuma iñajan'faja. Ña'qque Na'su Chiga Quitsama gi iñajaña. Majan chiga si'ngema sefaccone moe'da tsaya tsu ñoa'me Chiga. Tsonsi tsu poiyi'cco a'i su'fa: —Tsa'caen tsoñe ñotssi tsu.

1 Reyes 18:38

Tse'faei'ccuyi Na'su Chigambe si'ngeja sefaccone amppipa afe'cho vaurama oque cati. Nane vaura, toya'caen si'tsi, patu, andema'qque oque catipa pa'cco tsa'ccuma'qque metsse oque cati.

Proverbios 3:9

Que corifin'di'ccu Na'suma ñotsse tson'jemba que tai'cho'su o'tie isu'choma'qque tisenga afeya'cho.

Números 16:15

Tsa'caen su'fa'choma pañamba Moisésja ñoa'me iyicca'yepa Na'su Chiganga su: —¡Tise'pa quenga afe'je'choma in'janjama! Ñanda gi ni fae boroveyi'qque tsendeccuma itsambi. Toya'caen majameñi'qque gi egae tsombi.

Números 16:35

Toya'caen tsu Na'su Chigaja si'ngema moemba dosciento cincuenta tsandiendeccuma fi'tti tsa oque oraenqque'su ñome'bama afesundeccuma.

Hebreo'su 11:4

Tayopi'su Adán dutssi'ye Abel, tise quindya Caín'qque tise'pa afe'choma Chiganga afe'fa. Caínjan Chigave ñotsse in'jambi'ma aqquia afe. Tsa'ma Abelja Chigave in'jamba ñotsse afesi Chigaja tise afe'choma in'jamba “Abelja ño'a” qquen tsu su. Can'jemba Caínjan Abelma fi'tti. Tsa'ma Abel pa'ni'qque toya tise canseite Chigave in'jamba canse'choma pañamba gi Chigave in'jan'chone ti'tsse atesu'fa.

Hebreo'su 9:22

Nane Chiga manda'cho susi ti'tssecan'jan pa'ccoma tsu anjampai'ccu giyaeñe'can. Egae tsincon'choma'qque joqquitssiañe in'jamba tsu anjampama tssañaña'cho. Nane anjampama tssañambian'da Chigaja a'i egae tsincon'choma aqque'paya'bi.

Canjaen'cho 13:8

Nane poi andeni'su aindeccu tsu tsa dyo'ccoa cocoyama iñajan'fa. Toya andeve meinte Chigaja osha'choma in'jamba canseya'chondeccu tevaen'jema tevaen. Nane Tise'be Oveja pasi tise've in'jamba ccushaya'chondeccuma in'jamba tsa Ovejambe Canseya'chondeccu Tevaen'jenga tise'pa inisema tevaen. Tsa'ma poiyi'cco majambe inisema tseni tevaembi'choa tsu cocoyama iñajan'fa.

Jueces 6:21

Tsonsi sefacconi'su shondo'suja tise accuicco'cho tsutopai'ccu tsa aña'cho toya'caen panma'qque pporaen. Pporaensi si'nge patu'ye anchandasi pa'cco aña'cho toya'caen pan'qque me'tsse ju'ru sefa. Tsa'caen tsomba sefacconi'su shondo'su'qque me'tsse nepi.

1 Samuel 15:22

Tsonsi Samuelja su: ¿Na'su Chigata ti avujaya oque oraemba afe'ninda? Nane ti'tsse avujatssi tsu tise manda'choma pañasi. Ñotsse pañañe tsu afe'choma bove ñotssi.