Génesis 4:2 - Cofán: Chiga Tevaen'jen

² Omboe tsambe quinshin, Abelve isu. Nane coemba Abelja oveja coira'suve da. Caínjan andema nasipave sema'su tsu.

Génesis 4:2 Iomraidhean Croise

Génesis 3:23

Tsa'caen asi'ttaemba Na'su Chigaja a'ima Edéni'su jombachoqquie tteyamañamba manda tise've ñoñaqque'su andema semañe.

Génesis 37:13

Tsa'caen japa canjen'fasi Israelja Joséma su: —Que canjan, que quindyandeccuta tsu Siquemni oveja coira'su japa can'jen'fa. In'jan gi que japa can'gaye. Joséja su: —Ju, avujatsse gi jaya.

Génesis 4:1

Tsomba tse'i Adán tise pushe, Evai'ccu ccuisi Evaja surie dapa tsandie du'shuve isu. Tisema inisian Caínme. Evaja Caínma isupa su: “Na'su Chiga ñanga afesi gi tsandieve isu.”

Génesis 4:3

Can'jemba jai'ngae Caínjan andenga sho'yoqque'su nama taipa Na'su Chiganga afeye i.

Génesis 47:3

Tsonsi faraónjan José antiandeccuma iñajampaña: —¿Jongoesuma qui semamba canse'fa? Tsendeccuja condase'fa: —Ingi quema shondosundeccuta gi ovejama coirasundeccu ingi tayopi'su coenzandeqquia'caeñi.

Génesis 9:20

Noéjan andema sema'su tsu. Tise tsu o'tie ofa tsajama joñe ashaen.

Éxodo 3:1

Moisésja tise quitsa ccashe'ye Jetro ovejandeccuma coira'je. Nane Jetro tsu Madián'su Chigama afa'su (tise faesu inise Reuel). Tsa'caen coira'jepa biani a'i menia angapa fae a'ta tsu Horeb ccotta'cconga nepi. Tsa ccotta'cco tsu Chiga can'jen'cho ccotta'cco.

Amós 7:15

Tsa'caen ña canse'choma tsu Na'suja tsa'ye ñama itsapa mandapa su: ‘Japa ña Aya'fama ña israel aindeccunga condaja.’

Lucas 11:50

Nane Chiga suqquia'caen a'ija tsa'caen ande agattointe ashaemba Chiga Aya'fama afasundeccuma fittitti'fa. Nane Chigaja tsendeccu shacane'qque tsu va ja'ño'su aindeccuma iñajaña.

Lucas 11:51

Me'ttia'ye tayopi'su Abelma fi'tti ashaemba fitti'tti canse'fa. Voeyiyitsse Zacaríasja Chiga ettini ccutsupa Chiganga oque oraen'jen'cho jin'tti Chiga Aya'fama condase'je. Condase'je'ni tisema fi'tti'fa. Tsa'caen tsomba tsu shacapa'fa. Shacama tsa'caen boñasi tsu Chigaja va ja'ño'su aindeccuma iñajan.

Juan 8:44

Cocoya na'su tsu que'i yayaja. Que'ija tise'be qui. Tsa'camba qui tise in'jan'choma tsoñe in'jan'fa. Tseyi andema agattointe ja'ño pan cocoya na'suja a'ima fi'ttiye can'jen. Minga'ni'qque tiseja tansintsse su'choma afambi. Nane tiseja tansintsse afaye jinchombi. Aqquia afopoemba tisu in'jan'choma tsu afa. Tiseja afopa'chopa ñoa'me afopoen'su na'su tsu.

1 Juan 3:10

Qquen tsu atesuya'cho majan Chiga a'ima; majan cocoya na'su a'ima'qque: Nane majan a'i ñotsse jinchombi'ta, Chigambembi tsu. Majan tise faenga'suma chi'ga'ta, tsa'qque Chigambembi tsu.

1 Juan 3:12

Tayopi'su Caínjan egae tsincon'su na'sumbe a'i tsu. Tsaja tise quinshima fi'tti. Ingija tsa'can'faya'bi'choa gi. ¿Jongoesune tsu Caínjan tise quinshima fi'tti? Nane Caínjan egae tsincomba tise quinshinjan ño'asi attepa fi'tti.

1 Juan 3:15

Majan tise faenga'suma chi'ga'choja ñoa'me fi'tti'su tsu. Que'i'qque qui atesu'fa majan fi'tti'suja tisu injama'choni tsangae canseya'chove an'biambi.