Génesis 39:9 - Cofán: Chiga Tevaen'jen

⁹ Va tsaonijan majañi'qque me'i'on tsu ña'can'me. Ña na'suja jongoesuveyi'qque ñama se'pimbi. Aqquia queveyi tsu ñanga afembi queja tise pushesi. Tsa'cansi, ¿ma'caen gi oshaya quema egae tsomba Chiganga'qque egae tsoñe?

Génesis 39:9 Iomraidhean Croise

Génesis 13:13

Tseni'su aindeccuja ñoa'me egae in'jamba Na'su Chigama chi'gapa osha'cho tson'choi'ccu egae tsincon'fa.

Génesis 20:3

Tsa'ma tsa'caen tsomba cosesi Abimelecja anamba ayo'o. Ayo'osi Chiga tisenga attiamba su: “Queja paye qui tson'jen. Nane que i'cho pushesuja faesumbe pushe tsu.”

Génesis 20:6

Tsonsi Chiga ayo'oni tisema su: “In'jan gi queja atesumbipa tsa'caen tson. Tsa'cansi gi que injama'choma in'jaemba se'pi que tisei'ccu ccuipa ñama egae tsinconsa'ne.

Génesis 20:9

Omboe Abimelecja Abrahamma ttu'sepa su: —¿Mingae qui inginga tson? ¿Jongoesui'ccu gi quema egae tsonsi qui tsa'caen ñama tson cuintsu va egae tsincon'cho ñanga, ña aindeccunga'qque shacave daye? Nane ñoa'me tsa'caen faesunga tsoñe ega tsu.

Génesis 24:2

Tsa'caen dapa tsu tisema shondo'su ti'tsse coenzama ttu'se. Tsaja pa'cco tise tsa'o'suma, pa'cco tise an'bian'choma'qque coira'su tsu. Tisema ttu'sepa su: —Que tivei'ccu ña ttena'go tsosiccufama pporaemba

Génesis 39:10

Tsa'caen su'ni'qque toya tsu tsa pushesuja poi a'ta tisema ti'tsse noñangian cuintsu tisei'ccu ccuiye. Tsa'ma Joséja tise su'choma pañambi ni tisei'ccu pporotsse can'jembi.

Génesis 41:40

Que qui va na'su tsa'o'suma manda'jeya. Toya'caen pa'cco ña aindeccu tsu que manda'choma paña'faya. Tsa'ma ñajan ñoa'me na'su faraónmba jo'su ñañi gi quema ti'tsse'tssiya.

Génesis 42:18

Tres a'ta pasasi tise'pama su: —Ñajan Chiga Quitsave in'jamba gi tisema dyojo. Qquen tson'faja ña que'ima ccushaeñe:

2 Samuel 11:27

Ñombi'ye'cho pasasi Davidja manda cuintsu ttu'sepa i'fasi tise ettini can'jeñe. Isi tsu Davidja tisema pushe. Omboe tsandie du'shuve isu. Tsa'ma Na'su Chigaja David tsa'caen tson'choma in'jambipa chi'ga.

2 Samuel 12:13

Na'su tsa'caen su'choma pañamba Davidja Natánga su: —Na'su Chiganga gi egae tsincon. Natánjan Davidma su: —Na'su Chiga que egae tsincon'choma joqquitssiansi qui paya'bi.

Salmos 51:4

Quema gi da'ño, tansien quene gi shacapa. Tansien que su'choyi tsu ñoa'me su'cho. Que ñama injama'choma somboeñe su'chota tsu ñoa'me ñotsse su'cho.

Éxodo 20:14

“Tisu pushema ni tisu tsa'nduma catijama faesui'ccu canseye.

Levítico 6:2

“Majan tise faenga'suma afopoemba dañomba Na'su Chiganga egae tsincon'da tsu tisu egae tsincon'choma tansiaña'cho. Nane majan tise faenga'sunga egama chavaen'da, afe'choma ñotsse coirambipa qqueña'da, aqquia a'tutsse cca'na'da, iyicca'yepa itsa'ta, qque'choma atte'ma a'tien'da, tansintsse su'cho qquen afopoen'da tsu tisu tsa'caen egae tsincon'choma tansiaña'cho. Tisu tsa'caen egae tsincon'chone tsu shacapa. Tsa'camba tsu Chiganga oque oraemba afe'choma afeya'cho. Toya'caen tsequi a'ta tsu tisu cca'na'choma ccanange'sunga pa'ccoma afepa toya'caen tsa cca'na'cho bare'choma pan'shantsse faesu cincoyi'cho'ccoe afeya'cho.

Lucas 12:48

Tsa'ma majan sema'su na'su in'jan'choma atesumbipa tsa'caen ñotsse tsombian'da re'riccoe tsu tisema ma'ppiya. Nane poiyi'cco majan ti'tsse isu'ta ti'tsse tsu tsoña'cho. A'ija majanga ti'tsse afe'ta ti'tsse tsu tsendeccune in'jan'faya.

1 Corinto'su 4:2

Nane a'i pañamba condase'suve da'ta na'su in'janqquia'caen tsu condaseya'cho.

Titonga 2:10

Cca'nambe'yi tsu tise'pa na'su mandaqquia'caeñi semaña'cho tisema avujaeñe. Tsa'caen sema'jen'da tsu Chiga ingima ccushaen'su atesian'jen'choma ñotsse canjaen'faya.

Hebreo'su 13:4

Tsandieja pusheye tsu ñotssi. Pushesu'qque tsa'nduye tsu ñotssi. Tsa'caen antte'fasi egave in'jan'fajama. Tsa'ma majan pushe'ta, majan tsa'ndu'ta ñotsse in'jamba tisenga antte'choi'ccuyi tsu can'jeña'cho. Faesui'ccu can'jen'fajama. Majan tise pushe, tise tsa'nduma catipa faesui'ccu in'jangae can'jen'nijan Chiga Quitsa tsu tsambe injama'choma somboeña.

1 Juan 3:9

Majan a'i Chigambe injama'choma an'biamba Chiga du'shu'ta egae tsincon'masia. Tsa'caen Chiga du'shu'ta, ¿ma'caen tsu egae tsincoña?

Canjaen'cho 21:8

Tsa'ma poi dyopa ñama atiensundeccu, poi ñame in'jambindeccu, egave ttattapa tsave in'jan'chondeccu, cca'ima fi'ttisundeccu, poi tsandie, pushesu injanga fae'ngae egae can'jensundeccu, poi coragandeccu, poi ñoña'cho chiga'ca'me in'jan'chondeccu, poi afopoensundeccu'qque tsu asufre si'nge singu'ccunga japa tsangae pa'faya'cho.

Canjaen'cho 22:15

Tsa'ma canqque tsotefani tsu egae tsinconsundeccuja can'jen'faya. Majan a'i ain in'janqquia'caen in'jamba egae tsinconsundeccu tsu tsotefani can'jen'faya. Coragandeccu, poi tsandie, pushesu injanga fae'ngae egae can'jensundeccu, cca'ima fi'ttisundeccu, afopa'cho chiga'ca'me in'jansundeccu, nane poiyi'cco majan afopoeñe in'jamba tsa'caen afopoemba cansesundeccu tsu canqque tsotefani can'jen'faya.