Génesis 28:3 - Cofán: Chiga Tevaen'jen

³ Chiga Osha'choma Oshacho'cho quenga ñotsse tsonsi qui tsain'bio omba'su dushundeccuve atapoeña. Nane que'ye tsu tsain'bio aindeccu atapapa fae naccuve da'faya.

Génesis 28:3 Iomraidhean Croise

Génesis 1:28

Agattoemba tise'pama ñotsse afapa su: “Ñotsse canse'pa atapa'faja cuintsu pa'cco ande on'batssiye. Nane pa'cco andeni can'jemba osha'choma patsupa manda'faja. Na'en'su avu, sefani'su chhiriria, osha'cho andeni canseqque'suma'qque patsupa manda'faja.”

Génesis 13:16

Ña anttesi tsu tsendeccuja ande'su sisipa'caen tsain'bitssia've da'faya. Nane sisipafo'choma agattoye oshambiqquia'caen tsu que dutssiyendeccuja agatto'ma'sia've da'faya.

Génesis 17:20

Toya'caen tayo gi paña que Ismaelne in'jan'choma. Tsane'qque gi ñotsse tsoña. Tisei'ccu'qque gi tsain'bitssi du'shuve atapoeña. Tise omba'su dutssiyendeccu'qque tsain'bitssi'faya tsu. Nane Ismael tsu doce ti'tsse'tssia nasundeccumbe quitsaya. Tisei'ccu gi fae rande ande'su aindeccuve atapoeña.

Génesis 24:60

Tsa'caen moe'jemba qquen Rebecama ñotsse afa'fa: “Que ingi antianjan ¡tsain'bitssi aindeccumbe chanme qui daya! ¡Que omba'su dushundeccu tsu poiyi'cco que enemigondeccu canqquema patsu'faya!”

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 26:4

Que omba'su dushundeccuma gi atapoeña sefacconi'su o'feacan'tsse. Tsomba gi pa'cco va andema afeya. Toya'caen gi que omba'su dushundeccui'ccu poi ande'su aindeccuma ñotsse tsoña.

Génesis 27:33

Tsa'caen susi pañamba Isaacja dyopa ttun'dundu'je afa: —Tsa'caenda, ¿majan tsu panzapa sho'ccoemba ya'yatssia aña'choma i? Que toya jimbi'te gi pa'cco tsa i'choma amba tsa i'suma ñotsse tsoña'chove afa. Tsa'caen ña susi tsu tisenga ñotsse tsoña.

Génesis 35:11

ti'tsse qquen su: “Ña gi Osha'choma Oshacho'cho Chiga. Tsain'bitssi du'shuve an'biamba qui omba'su dushundeccuve'qque tsain'bitsse atapaja. Nane que'ye tsu tsain'bio aindeccuve sombopa fae naccuve da'faya. Tsa que omba'su dutssiyendeccu'su tsu nasundeccuve da'faya.

Génesis 41:52

Faesuve isusi “Chiga anttesi gi ña vana'jen'cho andeni du'shuve an'bian” qquen supa tisema inisian Efraínme.

Génesis 43:14

Tsa Chiga Osha'choma Oshacho'cho tsu tisema in'jaeña cuintsu que'ima mendeyepa faesu que'i antian Simeónma fettapa Benjamínma'qque mingae tsombe'yi antteye. Ñajan, mapán du'shu me'ccoe da'a'qque cuin'qque gi tsa'caen me'ccoe daya.

Génesis 48:3

Jangi dyaipa Josénga su: —Tsa Chiga Osha'choma Oshacho'cho tsu Canaán ande'su Luz canqqueni ñanga attiamba ñotsse afapa

Génesis 48:4

qquen su: ‘Que canjan, ña gi tsoña cuintsu queja tsain'bio du'shuve atapasi que omba'su dushundeccu'qque tsain'bio ande'suve dapa fae naccufaya'chove. Toya'caen gi que omba'su dushundeccunga va andema afeya. Afesi tsangae tsu tise'pambeve daya.’

Génesis 49:25

José, ¡ñotssi tsu que yaya'yembe Chiga! Tsa tsu quema fuiteya. Tsa Chiga Osha'choma Oshacho'cho tsu quema ñotsse tsoña'chone afaya. ¡Nane sefaccone tsu quema ñotsse tsoña! ¡Mar tsosine'qque tsu quema ñotsse tsoña! Toya'caen quema ñotsse tsonsi tsu que'su pushesundeccuja tsain'bio du'shuve isupa chochoemba coeña'faya.

Génesis 9:1

Chigaja Noé, tise dutssiyendeccuma'qque ñotsse tsoñe in'jamba qquen su: “Pa'cco andeni japa can'jemba atapa'faja.

Éxodo 1:7

Tsa'ma israendeccuja tsain'bio dushundeccuve an'biamba ñoa'me ti'tsse tsain'bitsse atapapa ti'tsse joccapitssia've da'fa. Nane tsa Egipto ande on'batsse tsu atapa'fa.

2 Corinto'su 6:18

que'i yayave daya. Que'i'qque ña jarichondeccuve, ña shi'mppindeccuve qui da'faya. Qquen tsu Ti'tsse'tssia Agattoen'su Na'su Chigaja su.

Canjaen'cho 21:22

Tsa'caen canqquema attepa Chiga ettive ttatta'ma gi attembi. Nane Na'su Chiga, Osha'choma Oshacho'cho, can'jensi Chiga Oveja'qque can'jensi poiyi'cco a'i tansintsse Tisema iñajan'fa.

Rut 2:4

Toya'caen tsequi a'ta Boozja canqquene nepipa tise'be taisundeccuma chigambian: —¡Cuintsu Na'su Chiga que'i'ccu can'jenjan! Ccane'qque chigambiamba su'fa: —¡Cuintsu Na'su Chiga quema ñotsse tsonjan!