Génesis 24:7 - Cofán: Chiga Tevaen'jen

⁷ Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Génesis 24:7 Iomraidhean Croise

Génesis 13:15

Quenga gi afeya pa'cco que camba atte'cho andema. Tsangae qui queja, que omba'su dutssiyendeccu'qque va andema an'bian'faya.

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 16:7

Tsa'ma Na'su Chigama sefacconi'su shondo'suja pushesu a'i menia jayipa Shur tsaiqui'su tsa'ccu sombo'je'ttini can'jen'choma cachuipa

Génesis 17:8

Quenga, toya'caen poiyi'cco tsendeccunga gi pa'cco Canaán andema afeya. Nane que'i ja'ño can'jen'cho andema gi tsangae que'inga afepa tsangae que'i Chigave daya.

Génesis 21:17

Chigaja pañamba tisema sefacconi'su shondo'suma moe. Sefaccone tsu Chigama shondo'suja Agarma ttu'sepa su: “¿Micomba qui tsa'caen dyai, Agar? Dyombe canjan. Tayo tsu Chigaja paña du'shu tseni ccuipa ina'jen'choma.

Génesis 22:11

Tsa'ma tse'faei'ccuyi Na'su Chigama sefacconi'su shondo'su sefaccone ttu'sepa su: —¡Abraham! ¡Abraham! —Vani gi can'jen, —qquen tsu Abrahamjan su.

Génesis 24:3

tansintsse su'chove afaja que ña mandaqquia'caen tsoña'chove. Nane Na'su tsa sefacco, andema'qque agattoen'su Chiga paña'jen'ni tansintsse suja. Nane antteya'bi qui cuintsu ña dutssi'ye Isaac va ña can'jeni'su Canaán ande'su pushesuma pusheye.

Génesis 24:40

Qquen ña iñajampañasi tsu tiseja su: ‘Ñanda gi Na'su Chigave in'jamba canse. Tsa'cansi tise tsu tisema shondo'suma quei'ccu moeña cuintsu quema fuitepa ñotsse angasi queja tseni'su pushesuma ña dutssi'yembe iye ña antiandeccu'suma, nane, ña yaya'ye antiandeccu'suma.

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Esdras 1:2

“Ña, Ciro, gi Persia'su na'su qquen su: Na'su, Sefacconi'su Chiga tsu ñama poi ande'su na'suve tsomba ñama manda tisema iñajan'jen'cho tsa'ove Judá ande'su Jerusalén canqqueni tsao'ñañe.

Salmos 103:20

¡Chigama sefacconi'su shondosundeccu, Na'su Chigama ñotsse afa'faja! Que'i quin'sui'ccu Na'su manda'choma pañamba tsonsundeccu qui.

Salmos 32:8

Qquen tsu Na'suja su: “Ñajan quema caña'jemba gi quema atesian'jeña. Nane quema in'jaemba gi candusiaña ma'caen canseya'chove.

Salmos 34:7

Nane Na'suma sefacconi'su shondo'suja Na'suma pañasundeccuma ttupa ccushaen.

Éxodo 32:13

Injan'jenjan quema shondo'su Abraham, Isaac, toya'caen Israelma'qque que tisu injama'choi'ccu in'jamba ñoa'me su'chove afapa qquen su'choma: ‘Que omba'su dutssiyendeccuma gi atapoeña cuintsu sefacconi'su o'fema agattoye oshambi'qquia'caen tise'pama'qque agattoye oshambiye.’ Toya'caen ‘Pa'cco va ña afeya qquen su'cho andema gi tsangae que'inga afeya.’

Éxodo 33:2

Ña gi moeña ñama shondo'suma cuintsu que'ima angaye. Toya'caen gi tsoña cuintsu tsa ande'su cananeondeccu, amorreondeccu, hititandeccu, ferezeondeccu, heveondeccu, toya'caen jebuseondeccuma joqquitssiañe.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Jonás 1:9

Qquen iñajampaña'fasi Jonásja conda: —Ña gi hebreo'su a'i. In'jan gi Na'su Chiga Quitsama; tsa tsu sefacconi can'jemba ande marve'qque agattoen'su.

Números 11:12

Que ñama iñajan va aindeccuma angaye, que ingi tayopi'su coenzandeccunga afeye su'cho andeni. Tsa'ma ¿ñanda ti gi tise'pa yaya, tsambi'ta mama, tise'pama du'shu toya chocho'je'choma'caen tivenga opipa angaye?

Números 14:16

‘Na'su Chigaja tise afeye su'cho andema tise'panga afeye oshambipa injanga a'i menia israendeccuma fitti'tti.’

Números 14:30

Nane ñoa'me gi su ni majañi'qque que'i'suja ña ñoa'metsse su'choi'ccu afeye su'cho andenga ca'ni'faya'bi. Jo'su Caleb, toya'caen Josuéyi tsu tsanga ca'ni'faya.

Tson'fa'cho 7:5

Tsa'ma Chiga Quitsaja ni minga'vieyi'qque Abrahamnga andema afembi. Tsa'cansi Abraham: “Va andeja ñambe” qquen suye oshambi. Tsa'ma tsa'caen Abrahamnga afembipa Chiga Quitsaja jai'ngae afeya'chone conda. Nane Abraham toya du'shu mechoite Chigaja tsa andema tisenga, tise dutssiyendeccunga'qque afeye su.

Deuteronomio 34:4

Canjaemba Na'suja tisema su: “Va tsu ña Abraham, Isaac, Jacobnga'qque tise'pa dushundeccunga afeye qquen tansintsse su'cho ande. In'jamba gi quema canjaen que ca'niñambia'qque tso'fei'ccu atteye.”

Hebreo'su 1:14

Nane poiyi'cco Chigama sefacconi'su shondosundeccuja Chigama fuitesundeccu tsu. Chigaja tise'pama ttu'sepa qquendya'pama moenqquia'caen a'ima fuite'faye moen. Majan Chiga ccushaeña'chove isuya'chondeccuma fuite'faye tsu manda.

Hebreo'su 11:9

Japa Chiga tisenga afeye qquen su'cho andeni can'jemba cca'indeccuni pasia'su jiqquia'caen can'jen. Carpa tsa'oi'ccu tsu cca'tti cca'tti jacan. Tise dutssi'ye Isaac'qque tsa'caen can'jensi tsambe dutssi'ye Jacob'qque tsa'caeñi omboen can'jen. Tsendeccu'qque “Chigaja va andema inginga afeya” qquen in'jamba tsa'caen avujatsse can'jen'fa.

Josué 1:6

Dyombi'tsse quinse'tsse ccutsuja. Tayo gi va aindeccumbe tayopisundeccunga conda va andema afeya'chove. Queja tsama attufaen'su.

Canjaen'cho 11:13

Tse'faei'ccuyi ande quia'me oya. Oyasi tsa canqque'su tsa'o fae decimo enttingeccoyi tsu osui'fa. Ande oyasi tsu siete mil a'i pa'fa. Pambe ccusha'chondeccuja ñoa'me dyo'fa. Dyopa tsu Sefacconi'su Chiga Quitsama ñotsse afa'fa.